Taulimaga Faataʻitaʻi

Ina ia Amata ai Suʻesuʻega Faale-Tusi Paia i le Aso Toonaʻi Muamua o Aokuso

“E masani ona manatu tagata iā Iesu a lē o se pepe o loo taoto i le fale o manu, po se tasi o loo faatautau i se laau e faapuapuagatia ai. Ae o le ā sou manatu, o ā mea o loo faia e Iesu i le taimi nei? [Faatali mo se tali.] Seʻi mātau le manatu lenei.” Tuu atu i lē e ona le fale Le Olomatamata o Aokuso 1, ma talanoa faatasi manatu i lalo o le tamaʻi ulutala muamua i le itulau e 16 ma se mau se tasi. Ofo mekasini ma fai se fuafuaga e toe foʻi e talanoa le fesili e sosoo ai.

Le Olomatamata Aokuso 1

“O le toʻatele ua talitonu i vavega. O nisi vavega e faigatā ona talitonu i ai. Pe e te ioe e tutupu moni lava vavega? [Faatali mo se tali.] Ua folafola mai i le Tusi Paia se vavega e maua ai e le toʻatele o tagata le faamoemoe i le lumanaʻi. [Faitau se mau se tasi o loo i le itulau e 9-10.] O loo taliina i lenei mekasini ni teteega masani e tolu e faatatau i vavega.”

Ala Mai! Iulai-Setema

“Pe e te ioe ua faigatā fesootaʻiga a talavou ma mātua? [Faatali mo se tali.] E fesoasoani le mau lenei i le faaleleia o fesootaʻiga i le va o talavou ma mātua. [Faitau le Filipi 2:3, 4.] O le mataupu i le itulau e 17 o lenei mekasini, e taliina ai se fesili tāua mo talavou, ʻAiseā e lē malamalama ai oʻu mātua?’