Ua Fesili Mai Talavou​—E Faapefea Ona Ou Faia ni Uō Moni?

Na foafoaina e Ieova tagata ina ia fetalanoaaʻi ma faia ni faauōga. (Faata. 17:17; 18:1, 24) Ina ia matuā aogā nei faiā, e tatau ona filifili ma le faaeteete a tatou aumea. (Faata. 13:20) Pe a māeʻa ona matamata le vitiō Young People Ask—How Can I Make Real Friends?, pe mafai ona e taliina fesili o mulimuli mai?

Faatomuaga:

(1) O le ā tonu lava le mea e taʻu o le uō moni?

Mea e Taofia ai Faigāuō:

(2) E faapefea ona foʻia le faalogona o le faaesea o oe? (Fili. 2:4) (3) Aiseā e tatau ai ona tatou naunau ia faaleleia o tatou uiga, ma o ai e fesoasoani mai ina ia tatou faia faapea? (2 Kori. 13:11) (4) O le ā e te faia ina ia maua atili ai nisi uō?—2 Kori. 6:13.

Faauōga ma le Atua:

(5) E faapefea ona tatou atiaʻe se faiā vavalalata ma Ieova, ma aiseā e tāua tele ai ona faia faapea? (Sala. 34:8) (6) Pe a avea Ieova ma a tatou uō sili, o ā aogā e tatou te maua i faauōga faaletagata?

Uō Lē Lelei:

(7) O ai aumea leaga? (1 Kori. 15:33) (8) E faapefea i uō lē lelei ona faaleagaina ai faaleagaga se tasi?

Se Tala Faaonapōnei:

(9) O le ā e tatou te aʻoaʻoina mai i le tala i le Tusi Paia e uiga iā Tina? (Kene. 34:1, 2, 7, 19) (10) O ā faamolemolega a Tara na māfua ai ona aumea atu i talavou lē talitonu? (11) O ā tulaga lamatia na tuua ai Tara e ana uō i le aʻoga? (12) Aiseā na lē iloa ai e mātua o Tara tulaga lamatia ua oo i ai o ia, ae na faapefea ona suia o la uiga ina ia fesoasoani iā Tara ina ia toe malosi faaleagaga? (13) Na faapefea i se tuafafine paeonia ona avea ma uō moni iā Tara? (14) O le ā na aʻoaʻoina e Tara?

Faaiʻuga:

(15) O ā lesona ua e aʻoaʻoina mai i lenei vitiō? (16) E faapefea ona e faaaogā lenei vitiō e fesoasoani ai i isi?

Tau ina ia tatou filifilia uō o le a fesoasoani iā i tatou e faatumau se faauōga sili ona lelei ma le Atua!—Sala. 15:1, 4; Isa. 41:8.