Pe e Mafai Ona E Fesoasoani Atu iā i Latou?

I le tele o faapotopotoga e iai tagata talaʻi e itiiti se taimi e mafai ona talaʻi ai ona o le faalētonu tau le soifua mālōlōina po o le tino matua foʻi. (2 Kori. 4:​16) Pe e mafai ona e valaaulia se tasi o i latou e lua te ō e fai sau suʻesuʻega faale-­Tusi Paia? Pe afai e lē mafai ona ia tuua lona fale ona o loo faataotolia i se gasegase, atonu la e mafai ona fai le suʻesuʻega i lona fale. Pe e mafai ona e faatulaga se taimi e te lua galulue ai ma se tasi e faalētonu le soifua mālōlōina i le galuega talaʻi mai i lea fale i le fale, po o le ō e faia toe asiga? O le toʻatele o tagata talaʻi ua matutua, e tele lo latou tomai i le galuega talaʻi. O lea, o au taumafaiga e lē gata o le a faalaeiauina ai i latou, ae o le a e maua ai foʻi ni aogā. (Roma 1:​12) E lē gata i lea, o lou faaalia o lea ituaiga o alofa, o le a tauia ai oe e Ieova.​—Faata. 19:17; 1 Ioa. 3:​17, 18.