Taulimaga Faataʻitaʻi

Ina ia Amata ai Suʻesuʻega Faale-Tusi Paia i le Aso Toonaʻi Muamua o Oketopa

“Ou te mautinoa e te ioe ua matuā puupuu le olaga. Pe e te manatu e iai se aso o le a aveesea atoatoa ai faamaʻi, ae tatou ola e faavavau? [Faatali mo se tali.] Seʻi mātau mai le manatu o loo taʻua i inei.” Tuu atu i lē e ona le fale Le Olomatamata o Oketopa 1, ma talanoa faatasi manatu i lalo o le tamaʻi ulutala muamua i le itulau e 16 ma se mau se tasi. Ofo mekasini ma faatulaga e toe foʻi atu e asi ma talanoa le fesili e sosoo ai.

Le Olomatamata Oketopa 1

“O loo matou asiasi i tagata ona e toʻatele ua popole i le faateteleina o faiga piʻopiʻo i pisinisi ma mālō. Pe e te manatu e iai se vaifofō o lenei faafitauli? [Faatali mo se tali.] Seʻi mātau le mea ua taʻua i inei e faatatau i le auala o le a gaoioi ai Iesu mo ē o loo mafatia ona o faiga piʻopiʻo. [Faitau le Salamo 72:12-14.] O le a faailoa atu e lenei mekasini le auala ua lē o toe umi ona faamutaina ai lea o faiga piʻopiʻo.”

Ala Mai! Oketopa–Tesema

“E toʻatele tagata i aso nei ua fefefe e ō taʻitoʻatasi, aemaise lava pe a pogisa. O le ā sou manatu, e iai se mea e mafai ona fai ina ia faaitiitia ai faiga sauā i lenei lalolagi? [Faatali mo se tali.] O loo talanoaina i lenei mekasini nisi o mea e mafai e i tatou uma ona faia, ina ia atili ai ona faatupuina le filemu ma isi. O loo talanoaina ai foʻi le auala o le a faataunuuina ai le valoaga faamāfanafana loto lenei.” Faitau le Salamo 72:7.