Taulimaga Faataʻitaʻi

Ina ia amata ai Suʻesuʻega Faale-Tusi Paia i le Aso Toonaʻi Muamua o Oketopa

“I nei taimi faigatā, ua tatou fesagaʻi ai ma luʻi ia e mapuna aʻe ai lē le mautonu i totonu o aiga. O le ā sou manatu, o fea e mafai ona tatou maua ai se taʻitaʻiga maufaatuatuaina e fesoasoani ina ia maua ai se aiga fiafia?” [Faatali mo se tali.] Ona tuu atu lea o le kopi o le Olomatamata o Oketopa 1, ma talanoa faatasi i se mataupu o loo i lalo o se ulutala i le itulau e 16 ma le 17, faatasi ai ma se mau faasino. Ofo le mekasini ma fuafua e toe asi e talanoa i se isi fesili.

Le Olomatamata Oketopa 1

Faaali le faavaa o le mekasini ma fesili atu, “O le ā sou lagona pe a e iloa na e pepelo e uiga i le Atua? [Faatali mo se tali.] Mātau le fetalaiga a Iesu i le eseesega o le upu moni mai i le upu pepelo. [Faitau le Ioane 17:17.] Ua faamatala mai e le Tusi Paia lava ia le upu moni e uiga i le Atua. O loo faamatala i lenei mekasini ia pepelo masani se lima e uiga i le Atua, ia o loo faaalia i le Tusi Paia.”

Ala Mai! Iulai-Setema

“Pe e te ioe o le motusia o se mafutaga ma se pele o se mea e sili ona faigatā so o se tasi ona fesagaʻia? [Faatali mo se tali] E toatele ua latou maua le fesoasoani mai le manatu lenei. [Faitau Salamo 55:22] O loo talanoaina i lenei mekasini nisi o auala e fesoasoani iā i latou o loo feagai ma lagona faavauvau, faapea ma auala e tuuina atu ai o tatou popolega i le Atua.”