Ia Maelega e Uunaʻia e le Tasi le Isi i Galuega Lelei

I le Eperu 10:24, o loo faalaeiau ai i tatou ia “manatunatu foʻi le tasi i le isi ina ia faatupu [uunaʻia] ai le alofa ma galuega lelei.” E mafai ona tatou uunaʻia uso ma tuafāfine e ala i a tatou faaaʻoaʻoga ma le faatuatua. Ia taʻu atu i isi o le faapotopotoga mea mananaia na tutupu iā te oe. Ia latou iloa mai o loo e olioli i le auaunaga iā Ieova. I le taimi e tasi, ia ʻalofia le faatusatusa o i latou iā te oe ma isi. (Kala. 6:4) Ia faaaogā ou uiga lelei e uunaʻia ai isi i “le alofa ma galuega lelei,” ae e lē o le taʻusalaina ma galuega lelei. (Tagaʻi i le tusi Aʻoga o le Faiva, itu. 158, pala. 4.) Pe a tatou faatupu le alofa, o le a tatou faia galuega e pei o le faia o mea lelei i isi i le itu faaletino po o le talaʻiga.​—2 Kori. 1:24.