Faaaogā Tatau Lomiga Faale-Tusi Paia

Na fetalai Iesu: “Ia outou avatu fua, auā ua outou maua fua.” (Mat 10:8) E tatou te usitaʻi i lenā faatonuga manino e ala i le lē faatauina o Tusi Paia ma tatou lomiga faale-Tusi Paia. (2Ko 2:17) E ui i lea, o nei lomiga o loo iai upu moni tautele mai i le Afioga a le Atua. E tele taumafaiga ma tupe na faaalu, e lomia ma felaʻuaʻi ai nei lomiga i faapotopotoga i le lalolagi aoao. O lea, e tatau ona ave na o lomiga e manaʻomia.

Ia faaaogā le tofā mamao pe a ofoina atu lomiga i isi, e oo lava foʻi pe a molimau i nofoaga faitele. (Mat 7:6) Nai lo le tau ina ofo o lomiga i so o se tasi, ia taumafai e talanoa ma le tagata ina ia iloa pe e fiafia moni. Pe e te tali mai ioe i se tasi o fesili o loo iai i le pusa? Pe afai e te lē mautinoa pe e fiafia moni le tagata, e lelei pe a ofo i ai se sāvali? Ae a fesili mai mo se mekasini po o se isi lomiga, e tatou te fiafia e avatu i ai.​—Fat 3:27, 28.