E Atiaʻe e Pese o le Malo le Lototele

Na viia e Paulo ma Sila le Atua i pese a o iai i le falepuipui. (Ga 16:25) I aso nei, e toʻatele uso talitonu na usuina pese o le Malo a o iai i nofoaga o faasalaga i Sachsenhausen i le pulega a Nasi i Siamani, ma a o ave faapagota i Siberia. O nei faaaʻoaʻoga ua iloa ai le aogā o pese ina ia atiaʻe ai le lototele o Kerisiano o loo feagai ma faigatā.

Ua toeitiiti maua i le tele o gagana le tusi pese fou ʻPepese Fiafia’ iā Ieova. Pe a maua tusi pese fou, e mafai ona tauloto upu o pese e ala i le faataʻitaʻi i le tapuaʻiga a le aiga. (Efe 5:19) O le a fesoasoani mai le agaga paia ina ia tatou manatua pese o le malo pe a feagai ma faigatā. E fesoasoani foʻi pese o le Malo ina ia taulaʻi ai pea i lo tatou faamoemoe, ma atiaʻe ai le lototele a o feagai ma faigatā. E tusa foʻi pe sologa lelei le tulaga o mea, e mafai e upu o nei pese faagaeeloto ona uunaʻia i tatou e “pepese faatasi” ma le fiafia ona o le lelei o o tatou loto. (1No 15:16; Sl 33:1-3) O lea, ia taumafai e faaaogā tatau pese o le Malo.

MATAMATA LE VITIŌ O SE PESE NA FAALAEIAUINA AI Ē GALULUE, ONA TALI LEA O FESILI NEI:

• O ā tulaga na māfua ai ona tuufaatasia e le uso o Frost se pese?

• Na faapefea ona fesoasoani lenei pese e faalototele ai uso i le nofoaga o faasalaga i Sachsenhausen?

• O ā ni tulaga i aso faisoo e mafai ai e pese o le Malo ona faamalosia oe?

• O ā ni pese o le Malo e te manaʻo e tauloto?