Talavou​—Ia “Maelega i Galuega Lelei”

I lana tusi faagaeeina iā Tito, na tusi atu ai le aposetolo o Paulo i tauleleʻa, e aofia ai ma Tito, ina ia avea “ma faaaʻoaʻoga o galuega lelei i mea uma lava.” (Tit 2:6, 7) I le mataupu lava lea, na ia faailoa mai ai ua faamamāina tagata o Ieova ina ia “maelega i galuega lelei.” (Tit 2:14) O se tasi o na galuega lelei, o le talaʻi ma aʻoaʻo atu e faatatau i le Malo o le Atua. Pe afai o oe o se talavou, pe e mafai ona faaaogā lou malosi e auauna ai o se paeonia lagolago po o se paeonia sauatoa?​—Fat 20:29.

Pe a e manaʻo e auauna o se paeonia, ia fai se faasologa lelei ina ia ausia ai lenā sini. (Lu 14:28-30) O se faataʻitaʻiga, o le a faapefea ona tausia oe i le itu faaletino a o e auauna faataimi atoa? O le a faapefea ona e ausia itula manaʻomia? Ia avea lenā mea ma mataupu o au tatalo. (Sl 37:5) Ia talanoa faatasi ma ou mātua ma i latou na taulau manuia i le auaunaga paeonia, ona fai loa lea o au taumafaiga ina ia ausia lou sini. E mautinoa o le a faamanuia Ieova i au taumafaiga maelega e auauna ai iā te ia!

MAIMOA I LE VITIŌ TALAVOU O LOO FAAMAMALUINA IEOVA, ONA TALI LEA O FESILI NEI:

• O ā luʻi na manumalo ai nisi ma mafai ai ona auauna o ni paeonia, ma na faapefea ona latou fesagaʻia na luʻi?

• E faapefea ona fesoasoani mātua i a latou fanau ina ia avea ma paeonia sauatoa?

• Aiseā e tāua ai le iai o se faasologa mo le talaʻiga?

• E faapefea i sui o le faapotopotoga ona faalaeiau ma fesoasoani i se paeonia?

• O ā faamanuiaga e maua e i latou e auauna o ni paeonia?