O le ā E te Aʻoaʻoina Mai i a Tatou Fatuga?

O ā nisi o a tatou fatuga e te fiafia i ai, ma aiseā? Pe e iai ni vaaiga i nei vitiō e fesootaʻi i le olaga i aso taʻitasi? O le eseese o matua o pese ma ituaiga o musika, e aogā mo tagata uma. Peitaʻi o a tatou fatuga ma vitiō o musika, e sili atu mea e aofia ai nai lo le tau ina faafiafia ai.

O a tatou fatuga taʻitasi, o loo aʻoaʻoina mai ai ni lesona aogā e mafai ona faatatauina i o tatou olaga faa-Kerisiano ma le faiva. O loo iai pese e taulaʻi atu i le faaalia o le agaga talimālō, autasi, faauōga, lototele, alofa, po o le faatuatua. O isi e aofia ai le toe foʻi iā Ieova, faaalia o le lotofaamagalo, tausia o le faamaoni i aso taʻitasi, ma le tuliloaina o sini faaleagaga. O loo iai foʻi se fatuga e faatatau i le faaaogāina o telefoni. O ā nisi lesona aogā e te aʻoaʻoina mai i a tatou fatuga?

MAIMOA I LE VITIŌ O A TATOU FATUGA TOE NEI O SE AGA, ONA TALI LEA O FESILI NEI:

• O ā faamanuiaga i le lumanaʻi o loo mafaufau i ai le ulugalii matutua?—Ke 12:3

• E faapefea ona faamalosia lo tatou faatuatua e mafai e Ieova ona faataunuuina ana folafolaga?

• O ā faatasiga fiafia ua toe o se aga oo mai?

• E faapefea i le faamoemoe o le Malo ona fesoasoani iā i tatou e tumau ai i faafitauli i le taimi lenei?—Ro 8:25