Fesoasoani i Lau Tagata Aʻoga o le Tusi Paia ia Auai i Sauniga

O sauniga a le faapotopotoga o se vala tāua o le tapuaʻiga mamā. (Sl 22:22) E maua e i latou uma e faapotopoto e tapuaʻi iā Ieova le olioli ma faamanuiaga. (Sl 65:4) E vave ona agaʻigaʻi i luma se tagata aʻoga o le Tusi Paia, pe a auai e lē aunoa i sauniga.

E faapefea ona e fesoasoani i lau tagata aʻoga ia auai i sauniga? Ia faaauau pea ona valaaulia i latou i sauniga. Ia faaali i ai le vitiō O ā Mea o Loo Faia i se Maota mo Sauniga? ma faamatala i ai le aogā o le sauniga. (lff lesona 10) Atonu e te faasoa atu i ai se manatu patino na e aʻoaʻoina i le sauniga, pe autalu mataupu o le a talanoaina i le sauniga e sosoo ai. Ia avatu i lau tagata aʻoga lomiga o le a faaaogā, ma ofo atu se fesoasoani aogā e pei o le momoli o i latou i le sauniga. O le a aogā so o se taumafaiga e te faia, pe a auai lau tagata aʻoga i se sauniga i le taimi muamua.—1Ko 14:24, 25.

MAIMOA I LE VITIŌ FESOASOANI I LAU TAGATA AʻOGA O LE TUSI PAIA IA AUAI I SAUNIGA, ONA TALI LEA O FESILI NEI:

• 

  O le ā le avanoa na faaaogā e Neta e valaaulia ai Rosa i sauniga?

• 

  Aiseā o se mea e olioli ai pe a auai se tagata aʻoga o le Tusi Paia i sauniga?

• 

  O le ā na tofo i ai Rosa ina ua ia auai i lana sauniga muamua?