Fesoasoani i Lau Tagata Aʻoga o le Tusi Paia ia ʻAlofia Aumea Leaga

Ina ia maua le faauōga ma Ieova, e tatau i tagata aʻoga o le Tusi Paia ona filifili lelei a latou aumea. (Sl 15:1, 4) O le a fesoasoani aumea lelei iā i latou ia faia le mea sao.—Fat 13:20; lff lesona 48.

Pe a fesoasoani i lau tagata aʻoga e ʻalofia aumea leaga, ia tigā alofa. Atonu e faigatā ona latou tuua a latou uō i le lalolagi. O lea, ia faaalia le naunau moni iā i latou e oo a i taimi e lē faia ai a latou suʻesuʻega. E aofia ai le lafo i ai o se text, vili pe asi foʻi i latou. A o agaʻigaʻi i luma lau tagata aʻoga, e mafai ona e faaaofia i latou i faatasitasiga ma tagata o le Atua. O le a latou iloa ai e tele atu mea o le a latou maua nai lo o mea ua latou tuua. (Mar 10:29, 30) O le a e maua foʻi le olioli i le faateleina o le aiga o Ieova.

MAIMOA I LE VITIŌ FESOASOANI I LAU TAGATA AʻOGA O LE TUSI PAIA IA ʻALOFIA AUMEA LEAGA, ONA TALI LEA O FESILI NEI:

• O ā aumea leaga? (1Ko 15:33)

• Na faapefea ona faaāta e Rosa ituaiga faatasitasiga faa-Kerisiano?

• Na faapefea ona fesoasoani Neta iā Rosa e tuua ana aumea leaga?