Aafiaga Ogaoga o Taua

“O se vaaiga masani le fasioti e isi tagata o isi tagata, po o le faaoo i ai o ni manuʻaga tugā. E lagona le fefe i taimi uma.”—Gary mai i Peretania.

“Na lavea loʻu tua ma oʻu foliga i pulufana. Na ou vaaitino i le fasiotia o tagata e aofia ai tamaiti ma tagata matutua. E faapogaia e taua uiga lē alofa i se tasi.”—Wilmar mai i Kolomepia.

“Pe a fasiotia se tagata i ou luma, e lē gata e te manatua pea le auala na fasiotia ai, ae e pei lava o loo e faalogo atu pea i le oi mai i le fia ola. E lē mafai ona galo lenā tagata iā te oe.”—Zafirah mai i le Iunaite Setete.

“Na ou mafaufau ailoga o le a ou toe maua se olaga fiafia. Na ou fefe neʻi fasiotia aʻu, ae na sili ona ou fefe neʻi fasiotia oʻu aiga ma aʻu uō.”—Oleksandra mai i Ukraine.

“E matou te fefefe e tutū i laina mo meaʻai mai i le 2 i le vaveao e oo i le 11 i le pō, ona e matou te iloa e ono lavea se isi i se pulufana mai i fetauaʻiga o lata ane.”—Daler mai i Tajikistan.

“Ua leai ni oʻu mātua e tausia aʻu ona na fasiotia i laʻua i le taua.”—Marie mai i Rwanda.