Pe o le a E Galueaiina Oganuu e Lē o Tofiaina i se Faapotopotoga?

E pei ona faatulaga atu i le tusi a le Sosaiete ia Fepuari 1, 1996, ua valaauliaina ai ni vaega o tagata talaʻi e fesoasoani i le toe galueaiina o oganuu e lē o tofiaina i se faapotopotoga pe seāseā galueaiina, i lenei tausaga. Afai o e iai i se vaega ua tofiaina faapitoa e le Sosaiete e galulue i sea oganuu, o le a fesoasoani la ia te oe faamatalaga o loo mulimuli mai i le faia o au fuafuaga: Nai lo le faaaogaina o tamaitusi ma polosiua e avea ma ofo, e mafai ona e faaaogā tusi E Mafai ona E Ola e Faavavau i Parataiso i Le Lalolagi, Le Tagata Silisili o Ē Uma na Soifua Mai, po o le Autasia i le Tapuaiga i le Atua Moni e Toatasi. Afai e te lē o mauaina nei tusi, ia vave loa ona fai se ota ina ia e maua ai mea o e manaomia mo le galueaiina o oganuu e lē o tofiaina i se faapotopotoga.