Lomiga Faale-Tusi Paia I LE INITANETI
Lomiga Faale-Tusi Paia
I LE INITANETI
Faa-Samoa
ā
  • ā
  • ē
  • ī
  • ō
  • ū
  • ʻ
  • TUSI PAIA
  • LOMIGA
  • SAUNIGA
  • km 8/96 itu. 8
  • Folafola le Tala Lelei o le Malo e Ala i Polosiua

Leai se vitiō o maua i lenei vaega.

Faamalie atu na iai se faalētonu i le kopiina o le vitiō.

  • Folafola le Tala Lelei o le Malo e Ala i Polosiua
  • La Tatou Faiva o le Malo—1996
  • Mataupu e Taitutusa
  • Ia Faaaoao ia Ieova e Ala i le Manatu Mamafa Moni i Isi
    La Tatou Faiva o le Malo—1996
  • Faaaogā Polosiua Eseese i Lau Faiva
    La Tatou Faiva o le Malo—1995
  • O Auala e Faaaogā ai le Polosiua Tala Lelei Mai i le Atua!
    La Tatou Faiva o le Malo—2013
  • Galueaiina le Naunau i le Feau o le Malo
    La Tatou Faiva o le Malo—1992
Faitau Atili
La Tatou Faiva o le Malo—1996
km 8/96 itu. 8

Folafola le Tala Lelei o le Malo e Ala i Polosiua

1 Maeu se olioli i le iloa o le upu moni ma le iai faatasi ma i latou o ē o loo folafola atu ma le maelega le tala lelei! E matuā manaomia lava e tagata o ē o i fafo atu o le faalapotopotoga a le Atua ona faalogo i le tala lelei o le Malo. O upu moni e uiga i le Malo, ua faafaigofie ona faamatalaina i polosiua, Olioli i Le Ola i Le Lalolagi e Faavavau!, “Faauta! Ou te Faia ia Fou Mea Uma Lava,” ma Le Malo o le a na Aumaia le Parataiso. O loo faaatagia mai ai ma le olaola i nei polosiua le olaga i le lalolagi i le pulega a le Malo o le Atua, ma ua tataʻi atu ai foi lē faitau i mea moni o le a faia e le Malo na o loo faamatalaina i le Afioga a le Atua. O le mea moni, o le tuuina o se polosiua i se tagata loto fiafia, ua na o se amataga lea o la tatou galuega. (1 Kori. 9:23) Seʻi o tatou toe foi vave atu e asia i latou uma na tuu ai polosiua, ma le sini ia ofoina se suesuega i le tusi Le Poto e Taʻitaʻia ai i le Ola e Faavavau. E mafai faapefea ona tatou faatinoina lenei mea ia Aokuso?

2 E mafai ona ofoina le polosiua “Olioli i Le Ola i Le Lalolagi e Faavavau!” i le faia o se taulimaga puupuu. A o e faaali lona faavaa, e mafai ona e faapea atu:

◼ “Ou te fia faailoa atu ia te oe se mea o loo aumai ai se feau matagofie.” Suʻe le polosiua Ola i Le Lalolagi, ma faitau le palakalafa muamua o le faatomuaga. Ona faaauau lea e faapea: “O loo taliina ai foi le fesili lenei [suʻe i le ulutala i luga aʻe o le ata numera 8]: ‘Ai se ā e Oti ai Le Tagata?’ O le a e iloa le manaia o le matamata i ata ma faitau mau na o loo i lenei polosiua. Afai e te manao e faia lena mea, e mafai ona tuu le kopi lenei ma oe.” Afai e talia le polosiua, ona e faaopoopo atu lea: “O le galuega lenei, o se galuega tauofo o loo faia i le lalolagi aoao e lagolagoina e ni foai tauofo faatauvaa. Afai e fia faia sau foai, ou te matuā fiafia lava e talia.”

3 O le ā e te fai atu ai pe a faia se toe asiga na tuu ai le polosiua o le “Ola i Le Lalolagi?” E mafai ona e faafeiloai atu i le auala lenei:

◼ Faaali le ata numera 49 i le polosiua Ola i Le Lalolagi ma fesili atu, “Pe lē o se ata matagofie ea lenei? [Faatali mo se tali.] O le polosiua lenei sa ou tuua ia te oe i laʻu asiasiaga talu ai. Ou te fia fesili atu ia te oe i le fesili lea e i le isi itulau.” Suʻe i le ata numera 50 ma faitau le fesili: “ʻPe e te manao ea e ola e faavavau i totonu o lena parataiso matagofie?’ [Faatali mo se tali.] Afai o lou moomooga lena, mātau le mea o loo fai mai ai e tatau ona e faia: ‘Ia aʻoaʻo atili e uiga i le mea o fetalai mai ai le Atua.’ [Faitau le Ioane 17:3.] Ou te fiafia e suesue le Tusi Paia ma oe e aunoa ma se totogi. E te finagalo malie i lena mea?” Fai se fuafuaga maʻoti e toe foi atu.

4 Pe a ofoina le polosiua “Faauta! Ou te Faia ia Fou Mea Uma Lava,” e mafai ona e amata i le faaalia o le ata i le faavaa atoa ma fesili atu:

◼ “O le ā lou manatu i se mea e mafai ona faia ina ia avea ai le lalolagi atoa e pei o le ata lenei?” Faatali mo se tali. Faamatala nisi o vala o le ata, na o loo faamatala mai i le itulau e 3. Ona e faapea atu lea: “E toatele tagata e iai le lagona e faapea, e lē mafai ona faia se lalolagi faapenei. Ae e lē mafaia ona lē faataulauina e le Atua lenei mea. [Fetufaai manatu i le palakalafa e 43; ona faitau lea o le Isaia 9:6, 7.] Ua folafola mai e le Atua o le a ia aumaia se lalolagi fou lea o le a olioli ai tagata mai atunuu uma i se parataiso matagofie. Ou te manao ina ia e faitau i lenei polosiua. O le a faailoa atu ai ia te oe le auala o le a mafai ai e oe ma lou aiga ona olioli i se lumanai ofoofogia ua faia e le Atua.”

5 I le toe asiga, e mafai ona e faaaogā le polosiua “Faauta!” e faamatala ai le auala ua manaomia ai ona aʻoaʻo atili e uiga i le Tusi Paia. Atonu e te toe faaali le faavaa ma faapea atu:

◼ “I le taimi muamua na ou faaali atu ai ia te oe lenei ata, na ta ioe faatasi o le a ta fiafia e ola i se lalolagi matagofie faapena. Ina ia mafai la ona faia o lenei mea, e iai se mea e manaomia e i tatou uma lava ona faia.” Suʻe le polosiua “Faauta!” i le palakalafa e 52; faitau le palakalafa ma le mau i le Ioane 17:3. Ia faatatau le faamatalaga i le ata i le palakalafa e 53 e uiga i se aʻoaʻoga saʻo mai le Tusi Paia, ona faamatala lea e faapea, ua ofoina atu e Molimau a Ieova lea aʻoaʻoga i aiga e aunoa ma se totogi. Ofo i ai le faataitaiina o auala e faia ai a tatou suesuega, e faaaogā ai le tusi o Le Poto.

6 Pe a ofoina le polosiua “O le Malo o le a na Aumaia le Parataiso,” e mafai ona e taumafai e faapea atu:

◼ “E toatele lava tagata ua ou faalogo i ai o faapea mai, e latou te mananao e ola i se pulega e mafai moni ona foia faafitauli tetele o loo fesagai ma i tatou i le taimi nei. [Ia taʻua faafitauli o iai i le atunuu e pei o le leai o ni galuega, faateleina o le solitulafono, po o le faaaogaseseina o fualaau faasaina.] O nei mea ua oo ai ia i tatou se lagona lē saogalemu i le lumanai mo i tatou lava ma ē pele ia i tatou. E te manatu o le a iai se pulega e mafai ona foiaina nei faafitauli? [Faatali mo se tali.] Atonu o loo e tatalo i le Tatalo a le Alii. Afai o lea, pe sa e iloa o loo e tatalo moni lava mo se pulega amiotonu?” Suʻe i le itulau e 3 i le polosiua o le Malo, ma faitau ia uluai palakalafa e lua. Ofo le polosiua.

7 Afai na tuua le polosiua “O le Malo o le a na Aumaia le Parataiso,” e mafai ona e amata le talanoaga i le toe asiga i lou faapea atu:

◼ “I le taimi muamua, na ta talanoaina ai le manaomia o se pulega amiotonu e mafai ona foiaina faafitauli o le tagata. O le polosiua lea na ou tuua ia te oe o loo faasino atu i le Malo o le Atua ua na o lea lo tatou faamoemoe. Ua tau mānatu nisi tagata i le auala o le a faia e lena pulega e faaleleia ai tulaga o o tatou olaga. Ua faaalia e le Tusi Paia e faapea, ua uma ona faamaonia e Keriso lona taulau manuia i mea ua lē taulau ai taʻitaʻi faaletagata.” Suʻe le polosiua o le Malo i le itulau e 29, ma faitau palakalafa mulimuli e fa. Ona e faapea atu lea: “Pe e lē o se lumanai matagofie ea lena? Pe e te fia vaai i ai?” Faatali mo se tali. Faitau le Ioane 17:3. Faalaeiau ina ia aʻoaʻo atili e ala i se suesuega faale-Tusi Paia i le aiga.

8 Afai o e faaaogaina isi polosiua, e mafai ona e sauniuni au lava taulimaga, e faaaogā ai fautuaga na o loo taʻua i luga e fai ma taʻiala. Pe a tatau ai, faamatala puupuu e mafai e tagata loto fiafia ona faia ni foai faatauvaa i le galuega talaʻi o le Malo o loo faia i le lalolagi aoao. Ia sauniuni lelei ma saili le faamanuiaga a Ieova a o e folafola atu le tala lelei o le Malo.

    Lomiga Faa-Samoa (1971-2026)
    Log Out
    Log In
    • Faa-Samoa
    • Lafo Faamatalaga
    • Faapolokalame
    • Copyright © 2025 Watch Tower Bible and Tract Society of Pennsylvania
    • Aiāiga Faapitoa
    • Aiā Faaletulafono
    • Privacy Settings
    • JW.ORG
    • Log In
    Lafo Faamatalaga