O le ā le Sini Autū?
1 Aiseā tatou te faia ai suʻesuʻega faale-Tusi Paia i aiga? Pe tau ina ia faailoa atu ai le poto, ia faaleleia ai olaga o tagata, pe ina ia faamalamalamaina atili ai lo latou faamoemoe mo le lumanaʻi? E leai. O lo tatou sini autū, ina ia faia soo o Iesu Keriso! (Mata. 28:19; Galu. 14:21) O le pogai lenā e manaʻomia ai e i latou o loo tatou suʻesuʻe ona auaufaatasi atu ma le faapotopotoga. O lo latou agaʻigaʻi i luma faaleagaga, e fesootaʻi tuusaʻo atu ma lo latou malamalamaaga loloto i le faalapotopotoga Kerisiano.
2 Le Auala e Ausia Ai: E mai lava i le amataga, ia faaauau ona uunaʻia le tagata suʻesuʻe ina ia auai i sauniga a le faapotopotoga. (Epe. 10:24, 25) Faamatala i ai le auala o le a faamalosia ai e nei sauniga lona faatuatua, fesoasoani ai iā te ia i le faia o le finagalo o le Atua, ma mafai ai ona ia maua se aufaatasiga mamā ma isi o ē o loo mananaʻo foʻi i latou e vivii atu iā Ieova. (Sala. 27:13; 32:8; 35:18) O le faaalia totino o lou lava alofa ma le talisapaia o le faapotopotoga ma sauniga, o le a faagaeetia ai lona naunau e auai.
3 E manaʻomia ona malamalama tagata fou e faapea, o le faalapotopotoga a Ieova o se ʻauuso faavaomalo. Faaali iā i latou ia vitiō, Jehovah’s Witnesses—The Organization Behind the Name ma le Our Whole Association of Brothers. Fesoasoani iā i latou ina ia iloa, o loo faaaogāina e Ieova le faitau miliona o tagata tuuina atu i le lalolagi atoa ina ia faia lona finagalo. Ia faailoa atu iā i latou o ē fou, o loo valaaulia i latou ina ia auauna foʻi i le Atua.—Isa. 2:2, 3.
4 O le pogai lea e matuā olioli tele ai pe a vaai atu i se tagata suʻesuʻe o le Tusi Paia ua avea o se soo moni o Iesu. O lo tatou sini autū lenā!—3 Ioa. 4.