Toleni i Latou Ina ia Faaauau Ona Auauna iā Ieova

Ua iloa mai i mea e tutupu, o tagata talaʻi fou e toleniina mai i le amataga ina ia faia se sao maelega e lē aunoa i le faiva, o i latou ia e masani ona avea ma tagata talaʻi tomai. (Fat 22:6; Fil 3:16) O nisi nei o fautuaga i le auala e fesoasoani ai i se tagata aʻoga, ina ia atiaʻe se faavae lelei mo le faiva:

• O le taimi lava e agavaa ai lau tagata aʻoga e avea ma tagata talaʻi, o le taimi foʻi lenā e toleni ai. (km 8/15 1) Faamatilatila atu le tāua o le avea o le faiva o se vaega o lana faasologa i vaiaso taʻitasi. (Fil 1:10) Ia fai atu ni faamatalaga faalaeiau e uiga i le oganuu. (Fil 4:8) Faalaeiau o ia e galulue faatasi ma le ovasia o lana vaega faapea isi tagata talaʻi, ina ia maua ai aogā mai i o latou tomai.​—Fat 1:5; km 10/12 6 ¶3

  

• Pe a uma ona papatiso lau tagata aʻoga, ia faaauau ona faalaeiau o ia ma toleni i le faiva, aemaise pe afai e leʻi uma ona ia suʻesuʻe le tusi ʻAlofa o le Atua.’​—km 12/13 7

  

• Ia faaaogā se taulimaga faigofie pe a galulue i le faiva ma se tagata talaʻi fou. Ia faamālō atu pe a uma ona fai sana taulimaga, ma avatu ni fautuaga aogā e fesoasoani iā te ia ina ia avea ma tagata talaʻi tomai.​—km 5/10 7