Taumafaiga Ina ia Pāʻia le Loto

Faataoto 3:1

AOTELEGA: Ia fesoasoani i lau aofia po o le tagata o le fale ia talisapaia ma gaoioi e tusa ma mea ua latou aʻoaʻoina.

LE AUALA E FAI AI:

• Fesoasoani i lau aofia e faia se iloiloga a le tagata lava ia. Ia fai ni fesili faatupu manatu e fesoasoani iā i latou e iloilo ai o latou lava faalogona.

• Atiaʻe ni uunaʻiga lelei. Ia uunaʻia lau aofia e manatunatu pe aiseā e latou te faia ai galuega lelei. Ia fesoasoani iā i latou e atiaʻe ni uunaʻiga sili ona lelei e pei o le alofa iā Ieova, tagata ma le naunau i aʻoaʻoga a le Tusi Paia. Ia fesoasoani i lau aofia ia iloa le atamai mai i le Tusi Paia nai lo o le tau ina aʻoaʻia o i latou. Nai lo o le faamāsiasi o i latou, ia fesoasoani ina ia o latou lagona le faalaeiauina pe a māeʻa lau mataupu ma uunaʻia i latou e faia le mea sili.

• Faauaʻi manatu o lau aofia iā Ieova. Faamatilatila pe faapefea i aʻoaʻoga a le Tusi Paia, mataupu silisili ma faatonuga ona faaatagia mai ai uiga o le Atua ma lona alofa mo i tatou. Ia atiaʻe i loto o lau aofia le faanaunauga e amanaʻia faalogona o Ieova, ma faafiafia o ia.