SUʻESUʻEGA 14

Faamatilatila Manatu Autū

Eperu 8:1

AOTELEGA: Ia fesoasoani i lau aofia ia mulimuli i lau lauga, ma faamanino pe faapefea i manatu autū ona fesootaʻi i lou sini ma le matua.

Ia iai sou sini. Ia iloa le sini o lau lauga, pe e faailoa atu ai se manatu, faatalitonu, pe uunaʻia lau aofia, ona fafau aʻe ai lea o lau lauga e fua i na tulaga. Ia faamautinoa o loo fesoasoani manatu autū e ausia lou sini.

Ia fesili ifo: ʻO ā ni fesili po o ni teteega o feagai ma le aofia o loo iai i le mataupu? O le ā le auala e latou te faatulaga ai na fesili po o na teteega?’ Ia faatulaga ou manatu autū e fua i na tulaga ina ia mafai ona mulimuli, malamalama, ma talia e lau aofia mea o loo e fai atu ai.
Faamamafa le matua o lau lauga. A o faagasolo lau lauga ia faasino atu i le matua e ala i le toe taʻua o upu autū po o le faaaogāina o upu e tutusa uiga.
Faafaigofie ma ia manino manatu autū. Ia filifili na o manatu autū e fesootaʻi atu i lau matua, ma ia lelei le auala e aʻoaʻo atu ai na manatu autū i le taimi faatulagaina. Ia faaitiitia manatu autū, faamanino manatu autū taʻitasi, taofi laʻitiiti, ma ia talafeagai le auala e sosoo ai na manatu.

E te ono taʻua manatu autū i le amataga o lau lauga e fesoasoani ai i lau aofia ina ia mulimuli mai, pe taʻua foʻi i le faaiʻuga ina ia mafai ai ona latou manatuaina nei manatu autū.