O Ai o Loo Faia le Finagalo o Ieova i Aso Nei?
1. O ā fea o le a suʻesuʻeina ai le polosiua Finagalo o Ieova, ma e faapefea ona aogā iā i tatou?
1 E amata atu iā Mati 17 ona suʻesuʻeina i le Suʻesuʻega Faale-Tusi Paia a le Faapotopotoga le polosiua O Ai o Loo Faia le Finagalo o Ieova i Aso Nei? Na tatalaina lenei polosiua i le tauaofiaga itumalo “Ia Leoleoina Lou Loto” ina ia fesoasoani e taʻitaʻiina mai ai tagata suʻesuʻe i le faalapotopotoga a Ieova. O le talanoaina o lenei polosiua o le a faalolotoina ai lo tatou lototalisapaia i le avea ai o i tatou ma vaega o le faalapotopotoga a Ieova, ma o le a tatou masani ai foʻi i le auala e faaaogā ai le polosiua i le talaʻiga.—Sala. 48:13.
2. O le a faapefea ona suʻesuʻeina lenei polosiua?
2 Auala e Suʻesuʻeina Ai: E tatau i le fai suʻesuʻega ona faamautinoa e lava le taimi e talanoa ai lesona taʻitasi. E amata i lona faitauina o le fesili o loo lāgā i le ulutala o le lesona, ona fai atu lea i lē o loo faitau e faitau le palakalafa amata, ma e fai atu e le fai suʻesuʻega ni ana lava fesili mo le faatomuaga. Pe a uma, ona faitau auauaʻi lea o palakalafa o loo iai ulutala matamata tetele, ona fai atu lea o le fesili i le ulutala ma valaaulia le aofia e faaali mai ni o latou manatu. E tele foʻi ata o loo iai e mafai ona talanoaina. Ia faitau mau autū pe afai e lava le taimi. E tatau i le fai suʻesuʻega ona faaaogā fesili i le pito i lalo e autalu ai lesona taʻitasi. Pe afai e iai se pusa “Saʻiliʻili Atili,” e tatau la ona faitau ma fesili atu i le aofia, pe e faapefea ona aogā nei manatu i tagata suʻesuʻe. Afai e lava le taimi i le faaiʻuga o le suʻesuʻega, e mafai ona toe faaaogā fesili o loo i ulutala e faia ai se autaluga. Ia manatua, e lē manaʻomia ona mulimuli i lenei faasologa pe a fai sau suʻesuʻega ma se tagata suʻesuʻe.
3. E faapefea ona tatou maua aogā mai i le suʻesuʻeina o lenei polosiua?
3 E tatau ona tatou sauniuni lelei ina ia maua ai aogā atoatoa mai i le suʻesuʻega. Ia taumafai malosi e fai sou sao, ma mafaufau pe faapefea ona aogā nei manatu i a tatou tagata suʻesuʻe. Tau ina fesoasoani lenei polosiua e faaauupegaina ai i tatou, a o tatou fesoasoani i isi e faia le finagalo o Ieova ma latou maua ai le faamoemoe o le ola e faavavau.—1 Ioa. 2:17.