Mapisarema

149 Rumbidzai Jah!+

Imbirai Jehovha rwiyo rutsva,+

Uye kurumbidzwa kwake muungano yevakavimbika.+

 2 Israeri ngaafarire Muiti wake Mukuru,+

Vanakomana veZiyoni—ngavafarire Mambo wavo.+

 3 Ngavarumbidze zita rake vachitamba.+

Ngavamuimbire nemakandira norudimbwa.+

 4 Nokuti Jehovha anofarira vanhu vake.+

Anonatsa vanyoro noruponeso.+

 5 Vakavimbika ngavapembere nomufaro nokukudzwa;

Ngavashevedzere nomufaro vari pamibhedha yavo.+

 6 Nziyo dzinorumbidza Mwari ngadzive pahuro dzavo,+

Uye mapakatwa anocheka nekwose ngaave mumaoko avo,+

 7 Kuti vatsive marudzi,+

Vatuke mapoka emarudzi,+

 8 Kuti vasunge madzimambo avo nengetani+

Nevanokudzwa vavo nezvisungo zvomumakumbo zvesimbi,

 9 Kuti vavaitire zvavakatongerwa zvakanyorwa.+

Kukudzwa kwakadaro ndokwevakavimbika vake vose.+

Rumbidzai Jah!+