Mapisarema

8 Haiwa Jehovha Ishe wedu, zita renyu iguru sei munyika yese;

Munoita kuti kukudzwa kwenyu kuve kwakakwirira kupfuura matenga chaiwo!*+

 2 Makaita kuti mumiromo mevana nemevacheche+ mubude simba

Nekuda kwemhandu dzenyu,

Kuti vavengi nevanotsiva vanyarare.

 3 Pandinoona matenga enyu, iwo mabasa eminwe yenyu,

Mwedzi nenyeredzi zvamakagadzira,+

 4 Munhu chiiko zvamunomufunga,

Uye mwanakomana wemunhu zvamunomuchengeta?+

 5 Makamuita akati dererei pane ngirozi,*

Mukamuisa korona yekubwinya nekukudzwa.

 6 Makaita kuti atonge mabasa emaoko enyu;+

Makaisa zvinhu zvese pasi petsoka dzake:

 7 Zvese makwai nembudzi nemombe,

Pamwe nemhuka dzesango,*+

 8 Shiri dzekudenga nehove dzemugungwa,

Chese chinopfuura nemunzira dzemumakungwa.