Mapisarema

38 Haiwa Jehovha, musanditsiura makatsamwa,

Kana kundiruramisa makashatirwa.+

 2 Nekuti miseve yenyu yakandibaya ikanyura mandiri,

Uye ruoko rwenyu ruri kundidzvanyirira pasi.+

 4 Nekuti zvitadzo zvangu zvatutirana pamusoro wangu;+

Zvandikurira semutoro unorema.

 5 Maronda angu ava kunhuhwa uye anyenga

Nemhaka yeupenzi hwangu.

 6 Ndiri kushungurudzika uye ndakasuruvara zvikuru;

Ndinongofamba ndakasuwa zuva rese.

 7 Mukati mangu muri kupisa;

Ndiri kurwara nemuviri wese.+

 8 Handichazivi zvekuita uye ndapwanyika zvachose;

Kutambura kwemwoyo wangu kuri kuita kuti ndigomere zvinonzwika.*

 9 Haiwa Jehovha, zvido zvangu zvese zviri pamberi penyu,

Uye kugomera kwangu hakuna kuvanzwa kwamuri.

10 Hana yangu iri kurova, simba rangu rapera,

Uye maziso angu haasisina chiedza.+

11 Shamwari dzangu nevamwe vangu vava kutambira kure neni nemhaka yechirwere changu,

Uye vanhu vepedyo pedyo neni havachadi kusvika pandiri.

12 Vaya vari kutsvaga upenyu hwangu* vari kunditeya;

Vaya vari kuedza kundikuvadza vanotaura zvekundiparadza;+

Vanoswera vachitaura zvekunyengera.

13 Asi ini ndakaita sematsi, ndisingavateereri;+

Ndakaita sembeveve, ndisingavhuri muromo wangu.+

14 Ndava kunge munhu asinganzwi,

Ane muromo usina chekutaura kuti azvidzivirire.

15 Nekuti ndakamirira imi, haiwa Jehovha,+

Uye makandipindura, haiwa Jehovha Mwari wangu.+

16 Nekuti ndakati: “Ngavarege kufarira nhamo yangu

Kana kuzvikwidziridza pamusoro pangu kana tsoka yangu ikatsvedza.”

17 Nekuti ndakanga ndava kuda kudonha,

Uye ndaigara ndichingorwadziwa.+

18 Ndakareurura chitadzo changu;+

Ndaitambudzwa nechivi changu.+

19 Asi vavengi vangu vakagwinya uye vane simba,*

Vaya vanondivenga pasina chikonzero vawanda.

20 Vakanditsiva nezvakaipa pazvakanaka zvandakaita;

Vaiedza kunditadzisa kuramba ndichiita zvakanaka.

22 Kurumidzai kuzondibatsira,

Haiwa Jehovha, ruponeso rwangu.+