Mapisarema

Kumutungamiriri. Rwiyo rwaDhavhidhi.

13 Nhai Jehovha, muchandikanganwa kusvikira riini? Nekusingaperi here?

Muchandivanzira chiso chenyu kusvikira riini?+

2 Ndicharamba ndichinetseka* kusvikira riini,

Ndiine shungu mumwoyo mangu zuva nezuva?

Kusvikira riini muvengi wangu achingondikunda?+

3 Nditariseiwo mundipindure, Jehovha Mwari wangu.

Itai kuti maziso angu ave nechiedza, kuti ndirege kurara murufu,

4 Kuti muvengi wangu arege kuti: “Ndamukunda!”

Musaita kuti mhandu dzangu dzifarire kuwa kwangu.+

5 Kana ndiri ini, ndinovimba nerudo rwenyu rusingachinji;+

Mwoyo wangu uchafarira mabasa enyu ekuponesa.+

6 Ndichaimbira Jehovha, nekuti akandikomborera chaizvo.*+