Zvirevo

 2 Ndokuudza kutiiko, nhai mwanakomana wangu,

Ndotiiko nhai mwanakomana wangu wandakazvara,

Nhai mwanakomana wemhiko dzangu?+

 3 Usapa vakadzi simba rako,+

Kana kutevera nzira dzinoparadza madzimambo.+

 4 Remueri iwe, hazvina kukodzera madzimambo,

Hazvina kukodzera madzimambo kuti anwe waini

Kana kuti vatongi vati, “Doro rangu riri kupi?”+

 5 Kuti varege kunwa vakakanganwa mitemo yakagadzwa,

Votyora kodzero dzevakaderera.

 6 Ipai doro vaya vava kufa+

Uye ipai waini vaya vari* kushungurudzika.+

 7 Regai vanwe vakanganwe nhamo dzavo,

Varege kuramba vachiyeuka matambudziko avo.

 8 Taura uchitsigira mbeveve;

Rwira kodzero dzevanhu vese vava kufa.+

 9 Taura uchivamiririra uye tonga zvakarurama;

Rwira kodzero dzevakaderera nevarombo.+

11 Murume wake anovimba naye nemwoyo wese,

Uye hapana chinokosha chaanoshaya.

12 Anopa murume wake mubayiro wezvakanaka, kwete zvakaipa,

Mazuva ese eupenyu hwake.

13 Anotsvaga mvere dzemakwai nemachira;

Anonakidzwa nekushanda nemaoko ake.+

14 Anoita sengarava dzemutengesi,+

Achibva nezvekudya zvake kure.

15 Anomukawo huchiri usiku,

Achipa mhuri yake zvekudya

Nekupa varandakadzi vake migove yavo.+

16 Anofunga nezvemunda outenga;

Anodyara munda wemizambiringa nezvaakashandira.*

17 Anogadzirira kuita basa rakaoma,*+

Uye anosimbisa maoko ake.

18 Anoona kuti kutengesa kwake kuri kumubatsira;

Rambi rake haridzimi usiku.

19 Anobata chimuti chinobata shinda isati yakoswa,

Uye anobata chimuti chinokosa shinda yacho.+

20 Anotambanudzira munhu akaderera chanza chake,

Uye anovhurira varombo maoko ake.+

21 Haatyiri mhuri yake kana kuine chando,

Nekuti vese vanenge vakapfeka zvinodziya.*

23 Murume wake munhu anozivikanwa pamagedhi eguta,+

Paanogara pasi nevakuru venyika yacho.

24 Anogadzira achitengesa zvipfeko zvejira

Uye anotengesera vatengesi mabhandi.

25 Akapfeka simba nerunako,

Uye anotarisira ramangwana nechivimbo.*

26 Anotaura neuchenjeri;+

Mutemo wemutsa uri* parurimi rwake.

27 Anotungamirira mabasa emumba make,

Uye haadyi zvekudya zveusimbe.+

28 Vana vake vanosimuka, vomuti anofara;

Murume wake anosimuka, omurumbidza.

29 Kune vakadzi vakawanda vanoita zvakanaka,*

Asi iwe, chokwadi unovapfuura vese.

30 Kuyevedza kunogona kungova kwekunze chete, uye runako runogona kupera,*+

Asi mukadzi anotya Jehovha acharumbidzwa.+

31 Mupei mubayiro wezvaanoita,*+

Uye mabasa ake ngaamurumbidze pamagedhi eguta.+