Rwiyo rwaSoromoni

3 “Ndiri pamubhedha wangu usiku,

Ndakatsvaga mudiwa wangu.*+

 2 Ndichasimuka ndotenderera neguta;

Regai nditsvage mudiwa wangu*

Mumigwagwa nemumisika.

 4 Ndisati ndatombopfuudzana navo

Ndakabva ndawana mudiwa wangu.*

Ndakamubata, ndikasamuregedza

Kusvikira ndapinda naye mumba maamai vangu,+

Muimba yemukati yaivo vakandibereka.

 5 Ndinoita kuti mupike, imi vanasikana veJerusarema,

Nemhara uye nenondo dzemusango:

 6 “Chii icho chakaita seutsi huri kukwira mudenga chiri kubva kurenje,

Chiri kunhuhwirira mura nezvinonhuhwirira zvichena,

Nezvinonhuhwirira zvese zvemutengesi zvakakuyiwa?”+

Chakakomberedzwa nevarume 60 vane simba,

Vanobva pavarume vaIsraeri vane simba,+

 8 Vese vaine mapakatwa,

Vese vakadzidziswa hondo,

Mumwe nemumwe akapakatira bakatwa

Kuti vagarire kana paine zvinotyisa zvingauya usiku.”

 9 “Ichi chigaro chaMambo Soromoni chinotakurwa*

Chaakazvigadzirira nemiti yekuRebhanoni.+

10 Mbiru dzacho akadzigadzira nesirivha,

Uye zvinochitsigira ndezvegoridhe.

Pekugara pacho pakagadzirwa neshinda yepepuru;

Mukati macho makashongedzwa zvakanaka

Nevanasikana veJerusarema.”

11 “Budai, imi vanasikana veZiyoni,

Onai Mambo Soromoni

Akapfeka korona yake yemuchato yaakagadzirirwa naamai vake+

Musi waakaroora,

Musi wakafara mwoyo wake.”