Mashoko Oushe

Albania: Chiverengero chitsva chapamusoro chavaparidzi vane 353 chakasvikwa muna July, pamwe chete nechiverengero chitsva chapamusoro mukugoverwa kwamagazini. Vaparidzi veungano vakaita avhareji yamaawa ane 22,4 muushumiri ndokuitisa fundo dzeBhaibheri dzapamusha dzine 1 073.

Cameroon: Hofisi itsva yebazu yakavambwa muna July, kuchiitikira panguva imwe cheteyo nechiverengero chitsva chapamusoro chavaparidzi vane 21 323.

Greenland: Vaparidzi vanoshuma basa romumunda vakasvika hwerengedzo yavane 134 muna July. Ichochi chakanga chiri chiverengero chitsva chapamusoro.

Zaire: Kunyange zvazvo vakatarisana namamirire ezvinhu ane ngwavaira amazana ezviuru avapoteri vanopinda muZaire, chiverengero chitsva chapamusoro chavaparidzi vane 83 442 chakasvikwa muna July. Hama dzakaita nhamburiko yakaisvonaka yokubetserana, uye dzinotaura kuti betsero dzinobva kunze dzinoongwa zvikuru.