Kugovera Bhuku raZivo
1 Rima remudzimu rakafukidza nyika. (Isa. 60:2) Kubvira zvakapinda vanhu muchivi, Satani, “mwari wenyika ino,” akachengeta vanhu murima romudzimu, uye kuderera kwetsika ndiwo wave uri mugumo wacho.—2 VaK. 4:4.
2 Zvino zvatavhenekerwa nechokwadi, tinonzwira vanhu tsitsi sezvakaita Jesu here? (Mat. 9:36) Kana zvakadaro, tichanzwisisa kukosha kwebasa raakapa muapostora Pauro roku‘svinudza meso avanhu nokuvabvisa murima kuti avaendese kuchiedza nokuvabvisa pasimba raSatani achivaendesa kuna Mwari.’—Mabasa 26:16-18.
3 Ndangariro Nemwoyo Zvakajekerwa: Sezvo Satani achipofumadza ndangariro nokuomesa mwoyo yevanhu vake, chii chatinogona kuita kuti tivabatsire? Tinofanira kusvika ndangariro dzavo nemwoyo yavo neShoko raMwari. Pauro akanyengetera kuti vaEfeso vavhenekerwe meso emwoyo yavo. (VaEf. 1:17, 18) Bhuku raZivo ndechimwe chezvishandiso zvakanakisisa zvatinazvo panguva ino chokusvika nacho mwoyo yevanhu. (VaH. 4:12) Kuziva izvi kunofanira kutiita kuti tive neunyanzvi hwekushandisa bhuku iri rakanaka kwazvo kudzidzisa vamwe.
4 Mharidzo Ingangoshandiswa: “Mungabvumirana nazvo here kuti nokukurumidza kuchinja kuri kuita tsika nhasi uye nekusaziva ramangwana redu kuripo, tinoda mutungamiriri akavimbika muupenyu? [Bvumira mhinduro.] Kunyange riri bhuku rekaresa kupfuura mamwe, Bhaibheri rinopa zano rinoshanda pamusoro pokurarama kwemazuva ano uye upenyu hwemhuri hunofadza.” Ipapo vhura ganhuro 2 mubhuku raZivo, uye rava ndima 10 nemutsetse wokutanga wendima 11, kubatanidza na2 Timotio 3:16, 17. Kana akaratidza kufarira, govera bhuku raZivo uye tsanangura chirongwa chedu chefundo yeBhaibheri yapachena. Kana uchiona kuti zvingava nani kutanga fundo yacho mubhurocha raAnodei, ungaita kudaro. Uchawana sumo dzokuwedzera dzakakodzera pamapeji 9-15 mubhuku raKurangarira.
5 Ngatiratidzei kuonga kwedu bhuku rakanakisisa raZivo. Tinogona kuita izvi nokurigovera nokushingaira muna December.