Rwiyo 163

Chibereko Chomudzimu

(VaGaratia 5:22, 23)

1. Chibereko chom’dzimu m’tsvene

Ngatichichengete tose,

Kuti Mwari aremekedzwe,

Tizviwanire upenyu.

Nguva dzose ngatiratidze

Rudo urwo rwakachena,

Uye tirambe tichifara,

Mufaro wotisimbisa.

2. Tive norugare rwaMwari

Tibudirire nohumwe.

Mwoyo murefu unokosha,

Kuti tishivire vose.

Mutsitsi munobva zvizhinji!

Zvinoita tide kunzwa,

Kunaka kunotipa simba

Mukugoverana Ushe.

3. Kutenda kunopa ushingi

Kunonyatsosimbaradza.

Unyoro hwakanaka sei!

Hunobvisa magakava.

Kuzvidzora kunodikanwa,

Kuti tiwane tendero.

Chibereko zvachinofadza,

Ngatichisakurirewo.