RWIYO 14
Kurumbidza Mambo Mutsva Wenyika
Rakaprindwa
1. Boka guru riri kubva
Mumarudzi mazhinji.
Riri kuunganidzwa
NaKristu nevakazodzwa.
Umambo hwakatogadzwa;
Kuda kwaMwari kuitwe.
Tariro iyi inokosha,
Yofadza nekunyaradza.
(KORASI)
Rumbidzai Jehovha neMwana wake,
Jesu, Mambo wemadzimambo.
Kutonga kwake tinokubvuma
Tomurumbidza tese.
2. Tinorumbidza Kristu,
Mambo wedu, tichifara.
SeMuchinda Werugare
Achaponesa vake.
Ramangwana tichafara
Munyika isingatyisi.
Vakafa pavachazomutswa,
Tichaimba nemufaro!
(KORASI)
Rumbidzai Jehovha neMwana wake,
Jesu, Mambo wemadzimambo.
Kutonga kwake tinokubvuma
Tomurumbidza tese.