Ndinoona Sei Zvikamu Zviduku Zveropa uye Kurapwa Neropa Rangu?

CHENGETA

Ndinoona Sei Zvikamu Zviduku Zveropa uye Kurapwa Neropa Rangu?

Bhaibheri rinorayira vaKristu kuti “varege . . . ropa.” (Mab. 15:20) Saka Zvapupu zvaJehovha hazvibvumi kuwedzerwa ropa rose kana kuti zvikamu zvikuru zveropa zvina—zvinoti masero matsvuku, masero machena, maplatelets, neplasma. Havapi ropa ravo kana kurichengeta kuti vozoriwedzerwa ivo.—Revh. 17:13, 14; Mab. 15:28, 29.

Chii chinonzi zvikamu zviduku zveropa, uye nei muKristu mumwe nomumwe achifanira kuzvisarudzira pakushandiswa kwazvo?

Zvikamu zviduku zveropa zvinhu zvinobviswa muropa pachishandiswa nzira inonzi kupatsanura ropa (fractionation). Somuenzaniso plasma chimwe chezvikamu zvikuru zvinoumba ropa chinogona kupatsanurwa kuti chive: mvura, inenge 91 muzana; mapuroteni, akadai sealbumins, globulins, nefibrinogen, inenge 7 muzana; nezvimwewo zvirimo zvakadai sezvokudya, mahomoni, magasi, mavhitaminzi, tsvina, nemaelectrolytes, zvinenge 1,5 muzana.

Murayiro wokuti tirege ropa unosanganisirawo zvikamu zviduku here? Hatigoni kupa mhinduro chaiyoiyo. Bhaibheri harina zvarinotaura zvakananga nezvezvikamu zviduku zveropa.a Zviri pachena kuti zvikamu zviduku zvakawanda zvinotorwa muropa rinenge rapiwa kuti rishandiswe pakurapa. MuKristu mumwe nomumwe anofanira kusarudza zvinoenderana nehana yake kana achizobvuma kana kuti kuramba kurapwa pachishandiswa zvinhu izvi.

Paunenge uchisarudza, funga nezvemibvunzo inotevera: Ndinoziva here kuti kuramba zvikamu zviduku zvose zveropa kunoreva kuti handizobvumi mimwe mishonga yakadai seinorwisa utachiona nezvirwere kana kuti inobatsira kuti ropa rigwambe kuitira kumisa kubuda kwaro? Ndinogona here kutsanangurira chiremba chikonzero nei ndiri kuramba kana kubvuma kushandiswa kwezvimwe zvikamu zviduku zveropa?

Nei ndichifanira kuzvisarudzira kana kurapa kuchisanganisira ropa rangu?

Kunyange zvazvo vaKristu vasingapi ropa kana kuchengeta ropa ravo kuti vazoriwedzerwa ivo, hazvina kunyatsojeka kana kumwe kurapa kana kuti kuongorora kunosanganisira kushandisa ropa rako kuchipesana nezvinotaurwa neBhaibheri. Naizvozvo, munhu mumwe nomumwe anofanira kuzvisarudzira nehana yake kuti obvuma here kana kuti oramba kurapa kunosanganisira kuwedzerwa ropa rake.

Paunenge uchisarudza, zvibvunze mibvunzo inotevera: Kana rimwe ropa rangu richizotsauswa mumuviri wangu roerera nokumwewo kana kuti kuerera kwacho kukambovhiringidzwa kwekanguva,’ hana yangu ichandibvumira here kuti rizodzorerwa mandiri ndoramba ndichiriona serangu kwete serinofanira ‘kudururirwa pasi’? (Dheut. 12:23, 24) Hana yangu yakadzidziswa neBhaibheri ingazonetseka here kana pandinenge ndichirapwa rimwe ropa rangu rikambobudiswa, rogadziridzwa, rozodzorerwazve mumuviri wangu? Ndinoziva here kuti kuramba kurapa kwose kunosanganisira kushandisa ropa rangu zvinoreva kuti ndinoramba kurapa kwakadai sokushandisa dialysis—muchina unochenesa ropa kana kuti kushandiswa kwomuchina unotsiva mwoyo kana kuti mapapu? Ndanyengeterera nyaya iyi ndisati ndasarudza here?b

Ndezvipi zvandinosarudza?

Verenga mapepa maviri ari pamapeji anotevera. Pepa Rokutanga rinotaura nezvezvimwe zvikamu zveropa uye kuti zvinowanzoshandiswa sei pakurapa. Nyora zvaunoda pamusoro pokuti unobvuma kana kuti haubvumi kushandisa chimwe nechimwe chezvikamu izvi. Pepa Rechipiri rinotaura nezvokumwe kurapa kunozivikanwa kunosanganisira kushandiswa kweropa rako. Nyora zvaunosarudza kuti uchabvuma kana kuti ucharamba marapiro aya. Mapepa aya haasi omutemo, asi unogona kushandisa mhinduro dzako dziri paari kukubatsira kuzadza kadhi rako reDPA (durable power of attorney).

Unofanira kuzvisarudzira kwete kutevedzera hana yomumwe munhu. Uyewo, hapana anofanira kushora zvinenge zvasarudzwa nomumwe muKristu. Munyaya idzi, “mumwe nomumwe achatakura mutoro wake.”—VaG. 6:4, 5.

[Mashoko Omuzasi]

a Mashoko anobatsira panyaya iyi anowanikwa muNharireyomurindi yaJune 15, 2004, mapeji 29-31.

b Mamwe mashoko anobatsira panyaya iyi anowanika muNharireyomurindi yaOctober 15, 2000, mapeji 30-1, uye paTransfusion Alternatives—Documentary Series—On DVD.

Pepa Rokutanga

VAKRISTU HAVABVUMI IZVI	ZVAUNOZVISARUDZIRA WOGA
ROPA RINE ZVOSE	ZVIKAMU ZVIDUKU ZVEROPA	Zvaunofanira Kusarudza
*PLASMA*	ALBUMIN—KUSVIKA KU4% YEPLASMA Ipuroteni ino- torwa muplasma. Mhando dzemapuroteni ealbumin dzinowanikawo muzvinhu zvinomera, muzvinhu zvinodyiwa zvakadai somukaka ne- mazai, uye mumukaka waamai vanenge vachiyamwisa. Albumin ino- bva muropa dzimwe nguva inoshandiswa mumvura inoshandiswa ku- wedzera ropa pakurapa munhu anenge akuvara zvikuru kana kutsva zvakaipisisa. Mvura iyi ingava nealbumin inosvika ku25 muzana. Shomanana inoshandiswa kugadzira mimwe mishonga yakawanda, kusanganisira kugadzira erythropoietin (EPO).	____ Ndinobvuma albumin kana kuti ____ Handibvumi albumin
IMMUNOGLOBULINS—KUSVIKA KU3% YEPLASMA Aya mapuroteni anenge apatsanurwa angashandiswa mune mimwe mishonga inorwisa mavhairasi nezvirwere zvakadai sezviya zvinoko- nzera fivha, tetenasi (chiomesashaya), viral hepatitis, uye chirwere chechimbwamupengo. Angashandiswawo kudzivirira zvirwere zvi- ngavhiringidza mwana anenge achikura mudumbu uye kuderedza kukuvadza kunoita uturu hwenyoka kana kuti hwedandemutande.	____ Ndinobvuma ma-immunoglobulins kana kuti ____ Handibvumi ma-immunoglobulins
ZVINOGWAMBISA ROPA—ZVIRI PASI PE1% YEPLASMA Kune mapuroteni akasiyana-siyana anobatsira kuti ropa rigwambe kuitira kuti risarambe richibuda. Mamwe anopiwa varwere vanobuda ropa nyore nyore. Anoshandiswawo kugadzira mishonga inoshandi- swa kurapa zvironda uye inomisa kubuda kweropa kana kuvhiya kwaitwa. Chimwe chezvinhu izvi zvinogwambisa ropa iplasma ine mapuroteni inoita zvokuomeswa kuitwa chando. Ziva izvi: Zvi- mwe zvinogwambisa ropa zvava kugadzirwa nezvinhu zvisiri ropa.	____ Ndinobvuma zvinogwambisa ropa zvinobva muropa kana kuti ____ Handibvumi zvinogwambisa ropa zvinobva muropa
MASERO MATSVUKU	HEMOGLOBIN—33% YEMASERO MATSVUKU Iyi ipu- roteni inofambisa okisijeni mumuviri wose uye kabhoni dhayokisaidhi kumapapu. Zvinhu zvinogadzirwa kubva muhemoglobin yevanhu ka- na kuti yemhuka zvingashandiswa kurapa varwere vanenge vaine ro- pa shoma mumuviri kana vanenge varasikirwa neropa rakawanda.	____ Ndinobvuma hemoglobin kana kuti ____ Handibvumi hemoglobin
HEMIN—IRI PASI PE2% YEMASERO MATSVUKU Iyi ienzayemu inotorwa muhemoglobin inoshandiswa kurapa boka re- zvirwere zvokuberekwa nazvo (zvinonzi porphyria) zvinokanganisa urongwa hwokugaya zvokudya mudumbu, tsinga, uye kutenderera kweropa mumuviri.	____ Ndinobvuma hemin kana kuti ____ Handibvumi hemin
MASERO MACHENA	INTERFERONS—KACHIKAMU KADUKU KANOTO- RWA MUMASERO MACHENA Aya mapuroteni anorwisa zvi- mwe zvirwere zvinokonzerwa nemavhairasi uye anorwisa kenza. Ma- interferons akawanda haatorwi muropa. Mamwe acho anogadzirwa nezvikamu zviduku zvemasero machena eropa revanhu.	____ Ndinobvuma mainterferons anenge atorwa muropa kana kuti ____ Handibvumi mainterferons anenge atorwa muropa
*PLATELETS*	Iye zvino, hapana zvikamu zviduku zvinobviswa mumaplatelets zvi- noshandiswa zvakananga mukurapa.

PEPA RECHIPIRI

ZVAUNOZVISARUDZIRA WOGA
KURAPA KUNOSANGANISIRA KUSHANDISWA KWEROPA RAKO PACHAKO
MARAPIRO ACHO	ZVAKUNOITA	Zvaunofanira Kusarudza Ungada kutaura nachiremba wako usati wabvuma kana kuramba marapiro api neapi aya.)
CELL SALVAGE	Marapiro aya anoita kuti pasarasika ropa rakawanda. Paku- vhiya, ropa riri pakuvara kana rinenge rajengerera mumuviri rinotorwa. Rinogezwa kana kuti rinosefewa uye zvichida nokungodzokorora izvi rodzorerwazve mumurwere wacho.	____ Ndinobvuma ____ Ndingangobvumac ____ Handibvumi
HEMODILUTION	Izvi zvinoita kuti pasarasika ropa rakawanda. Pakuvhiya ropa rinotsausirwa mutumabhegi uye riya rinenge ratsauswa rinotsiviwa nemvura isina ropa. Saka ropa rinenge rasara mumurwere paanenge achivhiyiwa rinenge rangova mvura mvura rava nema- sero matsvuku mashoma. Pakuvhiya kana kuti kwapera, ropa riya rinenge ratsauswa rinozodzorerwa mumurwere wacho.	____ Ndinobvuma ____ Ndingangobvumad ____ Handibvumi
MUCHINA UNOTSIVA MWOYO KANA KUTI MAPAPU	Unoita kuti ropa rirambe richitenderera mumuviri. Ropa rinotsauswa kuti riende kumuchina unotsiva mwoyo kana kuti mapapu kwarinowana okisijeni rodzorerwazve mumurwere wacho.	____ Ndinobvuma ____ Ndingangobvumae ____ Handibvumi
DIALYSIS [MUCHINA UNOCHENESA ROPA]	Unoshanda senhengo chaiyo yomuviri. Mumuchina wokuche- nesa ropa, ropa rinotenderera nomumuchina unoribvisa tsvina rocheneswa risati radzorerwa mumurwere wacho.	____ Ndinobvuma ____ Ndingangobvumaf ____ Handibvumi
EPIDURAL BLOOD PATCH [KUNAMA MUZONGOZA NEROPA]	Kunoita kuti zvinhu zvinoyerera zviri mumuzongoza zvisabuda. Ropa shomanana romurwere wacho rinoiswa mumasero akapoteredza muzongoza. Rinonama panenge pavhurika pachibudisa	____ Ndinobvuma ____ Ndingangobvumag ____ Handibvumi
PLASMAPHERESIS [KUBVISA PLASMA MUROPA NOKUITSIVA]	Kunorapa zvirwere. Ropa rinobudiswa rocheneswa kubvisa plas- ma. Chimwe chinhu chinotsiva plasma chinoiswa, uye ropa racho rinodzorerwa mumurwere. Vamwe vanachiremba vangada kusha- ndisa plasma yomumwe munhu kutsiva iya inenge yabviswa mu- ropa romurwere. Kana zvakadaro, muKristu haafaniri kubvuma kurapwa nenzira iyi.	____ Ndinobvuma ____ Ndingangobvumah ____ Handibvumi
LABELING OR TAGGING	Izvi zvinoratidza pane chirwere kana kuti zvinochirapa. Ropa rinobviswa mumuviri, rosanganiswa nomushonga, rodzorerwazve mumuviri womurwere. Uwandu hwenguva inopera ropa romunhu riri kunze kwomuviri hungasiyana.	____ Ndinobvuma ____ Ndingangobvumai ____ Handibvumi
PLATELET GEL; AUTO-LOGOUS (ZVINOREVA “MUSANGANISWA UNONAMA UNOGADZIRWA NEROPA RAKO”)	Unonama zvironda, hapabudi ropa rakawanda. Ropa rinobvi- swa mumiviri robviswa mvura yakawanda kuti risare rava nema- platelets uye masero machena akawanda. Zvinenge zvasara izvi zvinonamiswa pachekwa pakuvhiya kana kuti pamaronda. Ziva izvi: Mimwe misanganiswa inogadzirwa nezvinhu zvinogwambisa ropa zvinotorwa muropa remombe.	____ Ndinobvuma ____ Ndingangobvumaj ____ Handibvumi

c d e f g h i j Ziva izvi: Marapiro orudzi urwu anosiyana-siyana zvichienderana nachiremba wacho. Unofanira kuita kuti chiremba wako anyatsokutsanangurira zvinobatanidzwa pakurapa kupi nokupi kunenge kwanzi kuitwe kuti uve nechokwadi chokuti kunoenderana nemitemo yeBhaibheri uye zvinosarudzwa nehana yako.