Mashoko Emuzasi

a Zvakataurwa naJesu zvinobatsira kugadzirisa kumonyororwa kunoitwa shoko rokuti “kuvapo” nemamwe maBhaibheri. Mamwe maBhaibheri anoti “kuuya,” “kusvika” kana “kudzoka,” ose achireva chiitiko chenguva duku. Zvisinei, ona kuti Jesu haana kufananidza kuvapo kwake neMafashamo omuzuva raNoa, chinhu chakaitika kwenguva duku, asi ‘nemazuva aNoa,’ nguva yakati rebei ine zviitiko zvinokosha. Kufanana nenguva iyoyo, kuvapo kwaKristu inguva iyo vanhu vaizova mushishi kuronga upenyu hwavo zvokuti vaizoisa zvimiti munzeve panopiwa yambiro.