Rwiyo 98
Kudyara Mbeu yeUmambo
Rakaprindwa
1. Huyai varanda vaMwari,
Nemwoyo nemweya wose.
Itai basa raShe wedu,
Mudzidze kubva kwaari.
Noushingi dyarai chokwadi
Pamwoyo inobereka.
Mukashanda nesimba renyu rose,
Zvichaita Mwari akudzwe.
2. Dzimwe mbeu dzichanowira
Pamwoyo inenge dombo.
Kunyange zvadzo dzingamera,
Zvadziri zvichazobuda.
Vavhungwa nemakaro seminzwa,
Vanenge voda zvenyika.
Dzimwe dzichakura; muchazviona,
Dzepaivhu rakaorera.
3. Zviri kwauri iwe kuti
Basa rako ribereke.
Mwoyo murefu kune vanhu
Ungaita vafarire.
Iva nounyoro noushingi,
Uite kuti vasatya.
Nomufaro uchakohwa makumi
Matatu kana kuti zana.
(Onawo Mat. 13:19-23; 22:37.)