Rwiyo 186
Mufaro Wedu Woumwari
1. Chibereko chomufaro
Chopa tsungiriro.
Kuwana uyu mufaro
Kunoda kutenda.
Hauzi wenguva duku;
Ndewechigarire.
Saka ticharava,
“Fara! ”Mushoko raMwari.
2. Tinofanira kufara:
Tinoziva Mwari;
Tinokudzwa sezvapupu;
Tiri pamwe naye.
Kofadza kuziva kuti
Ja acharumbidzwa,
Nyange vari muhadhesi
Vachamuterera.
3. Kuti mufaro udzame
Tibatire Mwari,
Ngatirinde mwoyo yedu,
Ibve pakuvenga.
Tive vanosvinurira
Kurumbidza Mwari;
Tichifunga zvinovaka,
Tibvise uipi.
4. Kunyange tingamanikwa
M’kufamba m’chiedza.
Mufaro ndiwo chipiwa
Chokumubatira.
Wotiita vanhu vaShe
Sezvo toparidza.
Tizadzwe nawo mufaro
Tichigoverana.