Rwiyo 183
Nzvimbo Yepwere Mugadziriro yaMwari
1. Wose ane nzvimbo m’gadziriro yaJa.
Vakuru navaduku ngavam’kudze.
Kudavidza kwepwere kunoorora,
Zvadzinozivisa Umambo kwose.
Uchapupu hwadzo hunobudirira,
Dzakatsvinda uye dzinozvibata!
Dzinokosha zvadzinobatira Mwari;
Dzinopawo mufaro kuvakura.
2. Vaduku vose vanoziva Jehovha,
Richava zuva rinofadza sei!
Funga zvichawanwa munguva yemberi
—Upenyu kuna vose m’Paradhiso!
Tiri kuraramawo mudzvinyiriro
Inobva m’tsika ino ichaguma.
Ngatirwe nesimba, kwazvo tiikunde;
Kuvimbika kuUshe kunokosha.
3. Vanowana shamwari pavanhu vaJa.
Vangadirei shamwari dzenyika?
Ngavabatanidzwe m’zvinhu zvinokosha,
Kuti vatsamire pashoko raJa.
Pwere ngadzibatsirwe navanodzida,
Dzivaudze zvinhu zvinodzinetsa.
Shamwari yavo huru ndiShe Jehovha;
Anonzwisisa uye ane ngoni.
4. Tiri mitezo yeungano yaKristu,
UkoKristu anogovera zvose.
M’ruvimbiko tive parutivi rwake;
Titerere zano ra’nopa rose.
Tisamboiswa muforoma yenyika;
Shoko raJa riti’te vakachena.
Isu tose ngative vakatendeka;
Kumukudza kuchareva upenyu.