Rwiyo 114
Bhuku raMwari—Ipfuma Chaiyo
Rakaprindwa
1. Pane bhuku ramapeji mazhinji,
Rinopa tariro nomufaro.
Zvarinazvo zvinhu zvinopa simba;
‘Vafi’ vom’tswa “mapofu” oona.
Bhuku iro iBhaibheri Dzvene.
Rakafuridzirwa naJehovha
Achishandisa vanhu vaimuda
Akavafemera nomudzimu.
2. Vakanyora nezvesimba raMwari
Kusika kwaakaita zvose;
Kuti munhu aisava nechivi;
Nokurasika kweParadhiso.
Vakataura zveimwe ngirozi
Yakaramba kutongwa naMwari.
Zvikaguma nechivi uye nhamo,
Asiwo Jehovha achakunda.
3. Nhasi uno tava kufara kwazvo.
Kristu ava kutonga saIshe.
Jehovha ava pedyo kuponesa
Vanouya kwaari zvizere.
Ibhuku rine shoko rinofadza;
Shoko ririmo rinotapira.
Mune rugare rusingafungiki;
Vanhu verengai bhuku iri.
(Onawo 2 Tim. 3:16; 2 Pet. 1:21.)