Bhuku raMwari—Ipfuma Chaiyo

1. Pane bhuku remapeji mazhinji,

Rinopa tariro nemufaro.

Zvarinazvo zvinhu zvinopa simba;

‘Vafi’ vom’tswa “mapofu” oona.

Bhuku iri iBhaibheri Dzvene.

Mashoko aro ndeaJehovha.

Rakanyorwa nevanhu vaimuda,

Achivafuridzira nemweya.

2. Vakanyora nezvesimba raMwari,

Kusika kwaakaita zvese;

Kuti munhu aisava nechivi,

Nekurasika kweParadhiso.

Vakataura zveimwe ngirozi

Yakaramba kutongwa naMwari,

Zvikaguma nechivi uye nhamo;

Asi Jehovha a’kuzokunda.

3. Nhasi uno tava kufara kwazvo:

Kristu ava kutonga saMambo.

Tinoparidza shoko reUmambo,

Zvikomborero zvahuchaunza.

Ibhuku rine shoko rinofadza;

Shoko ririmo rinotapira.

Mune rugare rusingafungiki;

Vanhu verengai bhuku iri.