WEKELO 02

Bible ntɔpɛyɛka nkongi djɛ wɔlɔ dj’etsho weyaye

Edisiɔ wel'akishi

L’andja w’otondo, anto wapomana l’akambo wátshinda djɛ ntshutshumala, nkiyana kana ndjoka wɔma. Wɛ ombópomaná l’akambo wakokomɛ djɛ ndaawoka nghɔsɔ? Mbala imɔtshi ɛna ndjolo l’olando kana la yɛnyi yɛ nyɔyi k’onto wɔko ɔmɔtshi wɔ ngandji. Okoka ndawopola ente: ‘Ndjolo ingoshila lofu lɔmɔtshi?’ Bible mpɛyɛka nsakiso kɛ wɔlɔ efula lá woopó wɔsɔ.

1. Nkongi djɛkɔnge Bible ɔtɔpɛyɛnde lá nkambo dj’etsho weyaye?

Bible nsakisolaka lamo andja yombolola kfu l’ekakasano, koko ntewoyɛ lonkina losango lɔ wɔlɔ lɔnɛ: Ekakasano wɛso oyɛwɔngo w’itenyi yɛ winá toko edjinge lako ilá woshila. Alaka wa Bible nkoka ‘ntɔpɛyɛ etsho weyaye edjinge nkongi.’ (Wala Jɛrɛmi 29:11, 12.) Alaka wakɔ ntokotshɛka djɛ nkfulumeyɛ ekakasano wepomana laso, djɛ ndjala l’ikanyi yɛ wɔlɔ, edjinge ndjala l’osasa wɔ lotshinda.

2. Kɛkɔnge ketolaka Bible lá nkambo dj’etsho weyaye?

Bible ntolakaka ante l’etsho weyaye, ‘nyɔyi kepangoyala lonkina, kaanga ntshaka, kaanga tɛɛndjɛ, kaanga elando wepangoyala lonkina.’ (Wala Ndjiso 21:4.) Akambo ankfumɔ w’ɛnyɛ anto ndjolo lɔɔko kɛnɛ, ndjɔmbɔmba, ikombe kana ɔmvɔ, akambo wa ntshamba djɛ sii, elando la nyɔyi wepangoyala lonkina. Bible ntepelaka ante anto wangosasanga la lowiko lotshinda lotshinda lanɛ lá Paradiso kelá looko.

3. Wopo wɔkɔnge w’okokɛ ndashikikɛ ente alaka welá Bible wangokotshama?

Anto efula wakongela ambɔ akambo wa wɔlɔ wanghonanghema l’etsho weyaye, koko wapalekɔ l’eshikikelo ambɔ nkongi djɛwɔ ngokotshama. Koko ape nghɔsɔ ndeke oyɛwɔ lá kɛnɛ kelendana l’alaka wa Bible, alaka wakɔ wangokotshama nsɔsɔlɔ. Djɛ ndjala l’eshikikelo kɛsɔ ngo iso ‘nshishimaka Afunelo la nkɔmɛ nkfumɔ.’ (Elemo 17:11) Wekelo wɔko wɔ Bible, wongokokotshɛ́ djɛ ndashikikɛ ntsha wɛ nkoka ndjawola kana lako kɛnɛ kɛ Bible otepelande lá nkambo dj’etsho weyaye.

TSHIMOLA

Tokisola wopo wongoyala lowiko winá wongókotshama alaka welá Bible. Tokolenda lonkina wopo wɔ nkongi djɛ Bible ɔpɛyɛnde okotshɛwɔ anto lɔɔko kɛnɛ.

Asango wambomamana: Asango wila lowiko l’anto l’onunghú lɔɔko kɛnɛ edjinge lowiko lotolaka Bible l’etsho weyaye. Tongotepela dj’asango wasɔ l’ɔkɔngɔ.

4. Bible ntɔpɛyɛka nkongi djɛ lowiko l’etshinda lɔ djɔ

Lenda lanɛ l’anse akambo wa Bible otolakande. L’alaka wanɛ, daka djɛkɔnge djeleka nkosasangɛ? Lamo?

Wala avɛrse wa suka alaka wakɔ, ko kadjimola lá weepó wɛnɛ:

Okanelɛ ente mo, avɛrse wanɛ wakɔpɛyɛ nkongi? Wakoka mpɛyɛ kaanga nkfumbo kɛko la tolongo tɔko nkongi?

Kɔsa djɛ owika l’andja wa

LAKO ONTO . . .	ONTO ONKFUMƆ . . .
wɔngɛna ndjolo, wongotshunda kana wongovɔ.—Izaya 25:8.	angɛna winá wɔ anto wande w’okande ngandji wavwisá yongokfundɔ.—Djɔanɛ 5:28, 29.
wongoyala lʼolando, lʼɛkɔmɔ kana etshumbe.—Izaya 33:24; 35:5, 6.	angoyala la demba djɛ wɔlɔ edjinge la wolo etengo l’etsho wɛnde w’olangala.—Djɔbɔ 33:25.
wɔngɛna ndjolo l’ɔtɛ w’akambo wa ntshamba djɛ sii.—Izaya 32:16, 17.	angoyala la olelo lombombe, mvulu kɛ wɔlɔ la olemo wɔ wɔlɔ.—Yeembo 72:16; Izaya 65:21, 22.
wɔngɛna ndjolo má eposelo wɛ nyɛtshi wem’ambandji.—Yeembo 46:9.	angowika lá vudjɛ nsɔsɔlɔ.—Yeembo 37:11.
wɔngɛna ndjolo lá tokanyi mʼɔtɛ wʼakambo wamboheta.—Izaya 65:17.	angowika lotshinda lotshinda ipá l’ekiyano.—Yeembo 37:29.

Ilɛngɛ y’ipame yembóyalaka l’olando ambosala, ko ananghela nyɔ kɛnde akambo la bale ntshitshi.

Mpame kembotshunda ambokalɔ ndjala ilɛngɛ, edjinge atatshinde pusupusu kembolola kfu la nkakatshɛ.

5. Alaka welá Bible nkoka ntshikitanyɛ lowiko lɔko

Anto efula ndɛmbaka kana nyomalaka winá w’ɛnawɔ akambo wanangema l’andja wanɛ. Anto amɔtshi nsesaka djɛ ndɔngɔsɔla akambo. Lenda wopo wɔ daka djɛ Bible dj’ente akambo wangɔwɔnga, okotshɛwɔ anto lɔɔko kɛnɛ. Lenda VIDEO, ko kadjimola weepó wɛnɛ.

VIDEO: Nkɔpaka nanyɛ wayi wa ntshamba djɛ sii (4:07)

Asango wambomamana: Foto kelá video ‘nkɔpaka nanyɛ akambo wa ntshamba djɛ sii.’ 1. M’ɔlɛngɛ wɔnde Rafika avuka ndanda l’anto walekɔ́ la mposo yalemba ngete nde. 2. Rafika akamɔka winá wɔ ndatshu mbala kɛ ntondo tá losanghanyɛ l’Ewakɛ wɛ Yehova la ndenda anto wa mposo y’alemba itshikitanyi wokana.

Lá nkilika video djɛnɛ, wayi wakɔnge wa ntshamba djɛ sii watshimbɛki Rafika yimba?
Kaanga wayi wa ntshamba djɛ sii wa ndɛnaka yotashilá, Bible ndokotshɛ́ ngetemo?

Nkongi djɛtɔpɛyɛ Bible lá nkambo dj’etsho weyaye wɛ wɔlɔ, nkoka ntokotshɛ́ djɛ ndongela ɔlɛmbɛlɔ l’ekakasano wepomana laso. Wala Woongo 17:22 edjinge Ɔrɔma 12:12, ko kadjimola lá weepó wɛnɛ:

Okanelɛ ente mo, losango lɔ nkongi l’otanaso lá Bible nkoka ntshikitanyɛ lowiko lɔko má winá wɔsɔ? Lamo?

ANTO EFULA NTEPELAKA AMBƆ: “Alaka wapɛyɛ Bible lá nkambo dj’etsho weyaye wapangokotshama.”

Ko le wɛ, ladjikɛnge oyɛwɔ djonyi wɛ nghɔmɛlɛ nshishima djɛ nsipisoyɛ ntsha Bible ntepelaka nsɔsɔlɔ?

LÁ YOPASƐ

Bible ntɔpɛyɛka nkongi djɛ lowiko lɔ wɔlɔ l’etsho weyaye edjinge nkongi djɛsɔ ntokotshɛka dj’iso nkfulumeyɛ ekakasano wɛso.

Mvungo

Lamo oyɛso lá djonyi djɛ ndjewa alaka wa Ndjambe?
Kɛkɔnge ketolaka Bible lá nkambo dj’etsho weyaye?
Wopo wɔkɔnge ndjewa alaka wa Ndjambe walendana l’etsho weyaye otokotshɛwɔ?

Datɛ djɛ nyomboshiyɛ wekelo:

Okoma wɔ momoyawilela

Wala avɛrse ankfumɔ welá wekelo wɔnɛ djɛ wɛ ndeka nsipisoyɛ alaka welá Bible lá nkambo dj’etsho weyaye.

Okoma onkina:

Your other goal

TOKANYI TONKINA

Lenda wopo wɔ nkongi okokawɔ nkokotshɛ́ winá w’opomanɛ l’ekakasano.

‘Lampe Okokaso mba nkongi?’ (Wetshɔ!, Ngɔndɔ k’anɛyi 22, 2004 lá Otetela)

Isola wopo wɔ nkongi djelendana l’etsho weyaye okokawɔ nkotshɛ́ anto w’ɛna ndjolo l’elando wepakɔnɔ.

“Bible nkoka ntokotshɛ́ winá w’otataso olando wopakɔnɔ?” (Djamba djelá jw.org)

Winá w’olendɛ video djɛ yeembo djɛnɛ, yawɛna wɛ nya nkfumbo kɛko nyowika lá Paradiso ketolaka Bible l’etsho weyaye.

Kokanela winá wɔkɔ (3:37)

Wala ɔkɔndɔ wɔ mpame kɛmɔtshi kétshikitanyisá lowiko lɔnde mpɛyi l’alaka welá Bible walendana l’etsho weyaye.

“Mpokanela lonkina ente lemi koka ntshikitanyɛ andja” (Etange k’Olami, Ngɔndɔ k’esambele 1, 2013, lá Otetela)