Yeshaya
26 Mu diadia efuku luno loono alukayimbibua mu nsenga ya Yunda:
“Tui na kibundi ki bukome.
Ekasha midimba yakio na mbunda yakio ya nsenga ya kuikaluila bu kipandilo.
2 Fungulayi bibelo bua’shi muilo wi na kululama utuele,
Muilo wi na bikitshino bia lulamato.
4 Kulupilayi mui Yehowa bua loso,
Muanda Yah* Yehowa nyi lubuebue lua ikalayika.
5 Muanda bayisha baba bashale mu mbalo i kunundu, kibundi ki kunundu.
Bekiyisha paashi,
Bekiyisha mu nsenga;
Bekisumbula mu lufufi.
6 Abakekifuntu kui ngua ya bantu abakiengie,
Kui mikoolo ya bantu bashadile.”
7 Eshinda dia muntu mululame ndilulame.*
Muanda we mululame,
Okabaata eshinda dia muntu mululame.
8 Ô Yehowa, bu biatukuete kulonda eshinda dia biimu biobe,
Lukulupilo luetu lui modi.
Tui* na lukalo lui bukopo lua eshina diobe na kitentekiesho kiobe.*
9 Bufuku ne nobe lukalo lui bukopo n’eshimba diande dioso,
Oolo, kikudi kiande kikuete kutungunuka na kukukimba;
Muanda p’osambisha nsenga,
Bantu bashale pa nsenga abalongo pabitale kululama.
10 Sunga balesha muntu e bubi lusa,
T’akalongo kululama.
Sunga mu nsenga ya kululama akakitshi mianda ibubi,
Na t’akamono bukata bua Yehowa.
11 Ô Yehowa, we muele mboko yobe muiyilu, anka tabakuete kuiyimona.
Abakamono kisumi bua muilo oobe na abakakuatshika buufu.
Oolo, kaalo kalumbuulue bua beshikuanyi bobe akakebatatshisha.
12 Ô Yehowa, oketupa butaale,
Muanda bioso biatudi bakite
Nnobe muitukitshine bianka.
13 Ô Yehowa Efile Mukulu eetu, bangi ba nfumu mbetumune,
Anka tukuete kutemuna nka penda eshina diobe.
14 Mbafue; tabakekala na muwa.
Tabe na bukome mu lufu, t’abakabuuku nya.
Muanda we mutume binangu biobe kuabadi
Bua kuibabutula na kushimisha eshina diabo.
15 Ô Yehowa, we mutamishe muilo,
We mutamishe muilo;
We muitumbishe.
We mutamishe ngofu mikalo yoso ya nsenga.
16 Ô Yehowa, mu kipungo kia dikienga bekeele basuukile kodi;
Poyikeele muibanyokie bekeele bafungule mashimba aabo bua kukuteka na mayi ayikie.
17 Nka bu abikalaa muana mukashi e na eyimi akiebe kutanda
Na mitanyo na adidi bua busungu,
Biabia nyi biatubekala pa muanda oobe, Ô Yehowa.
18 Tuikeele na mayimi, tuikeele na mitanyo ya pakutanda,
Anka bi nka bu atue bekeele batande lupapi.
Tatui bafuishe kipandilo mu nsenga,
Na muntu su ngumune ta mutandikue bua kushala mu nsenga.
19 “Bafue bobe abakekala na muwa.
Bitanda biande* abikabuuku.
Bukaayi na nuele misaase ya muloo,
Anue bashalele mu lufufi!
Muanda lume lobe lui nka bu lume lua kunakashika,*
Na nsenga ayikalusha na muwa* baba bashi na bukome mu lufu.
20 Ndayi muilo wande, nutuele mu tudimbo tuenu tua munda
Na nushite biibi.
Nufuame bua kapindi kapeela
Mpa na apakidi nsungu ya Efile Mukulu.
21 Muanda talayi! Yehowa kuete kufika kukatukila mu mbalo yaye
Bua kusambisha bantu bashale mu nsenga bua kilubilo kiabo,
Na nsenga ayikatuusha patoka mase abadi bapongoole muanka
Na tayikafuamisha bantu bayo babadi bayipe.”