Yeshaya
11 Lutonga alukatuuku ku kishishi kia Yesee,
Na mutombo autuuku ku mishi yaye aukapa bikuba.
2 Kikudi kia Yehowa akikashala padi,
Kikudi kia binangu na kia lushinguluilo,
Kikudi kia malango na kia bukome,
Kikudi kia kiukilo na kia kutshina kua Yehowa.
3 Na akekala na muloo wa kutshina Yehowa.
T’akatshibi kiimu muyile bi’amono ku meso,
Sunga kulanga muntu penda muyile abipusha matui aaye.
4 Akatshibila bantu bashadile kiimu na kululama,
Na akatuusha malango na kululama bua buwa bua bantu beyishe ba pa nsenga.
Akakupila nsenga na mutshi wa kukanua kuaye
Na kuipaa bantu be bubi na muwa wa ku milomo yaye.
5 Kululama akukekala mukaba wa mu kifuka kiaye,
Na lulamato alukekala dingi mukaba wa mu kifuka kiaye.
6 Museu aukashala pamune na muana a mukooko,
Na ngie akalala pamune na muana a mbushi,
Muana a ngombe, ntambue* na nyema munune ayikekala yoso pamune;*
Na muana mukinga akeyikunkusha.
7 Ngombe mukashi na nyema a urse abakadi pamune,
Na bana babo abakalala mbalo imune.
Ntambue akadi bisosua nka bu ngombe.
8 Muana ki’aomo akashila pa buina bua nyoka a kobra,
Na muana abadi batshibe komua akatuulu eyasa diaye pa buina bua nyoka a lulengo.
9 Takukakitshiibua muanda su ngumune wi bubi
Sunga kintu su kimune takikaluishibua mu muengie wande oso wa kishila,
Muanda nsenga ayikaulu binyibinyi na kiukilo kia Yehowa
Nka bu mema aule mu kalunga ka mema.
10 Mu diadia efuku mushi wa Yesee aukemana bu kitunduilo bua miilo.
Miilo ayikende kuadi bua kukimba bukunkushi,*
Na mbalo yaye ya kuikiisha ayikekala na ntumbo.
11 Mu diadia efuku Yehowa akaola dingi mboko yaye, musango wa kabidi, bua kuata bantu bashale ba mu muilo waye be mu Asiri, mu Ejipitu, mu Patrose, mu Kushe, mu Elame, mu Shineare,* mu Amate na mu bisangi bia kalunga ka mema. 12 Akatuulu kitunduilo bua miilo na kubunga bantu ba Isalele bapalakane, na akabungu pamune bantu ba Yunda bapalakane kukatukila ku mapaka ananka a nsenga.
13 Mukao wa Efraime awikala upue kupua,
Na baba bashikue Yunda abekala bayipayibue.
Efraime t’akakuatshila Yunda mukao
Yunda namu t’akashikua Efraime.
14 Na abayiki mu ma ngalaala* a bena Filistine dia kupona nguba;
Boso buabo abakapaula bantu ba kutunduka nguba.
Abakaola eyasa diabo bua kuluisha* Edome na Moabe,
Na abakamunu bena Amone.
Akakupila tu miela tuayo* musambobidi na muwa waye wi kaalo,
Na akakitshi biashi bantu basabukie bafuale sandale yabo.
16 Akukekala eshinda dikata adituuku mu Asiri bua bantu bashale ba mu muilo waye,
Nka bu bibaabidi bua Isalele muifuku dibaadi mutuukie muiumbo dia Ejipitu.