Akula mianda ayikaka binangu bia bantu

Kibaadi Yesu mukite

VIDEO: Yesu na muana mukashi pa mushima wa mema

1. Tala VIDEO, sunga kubadika Yowano 4:6-9. Akupu waluule ino nkonko:

1. Yesu baadi mumone kinyi pabitale muana mukashi kumpala kua kubanga naye muisambo?

2. Yesu bamulunguile’shi: “Mpe namu mema a kutoma.” Buakinyi ano abaadi mayele e buwa bua kubanga muisambo?

Nkinyi ki’atulongiela ku kileshesho kia Yesu?

2. Tui kuisamba kalolo na muntu su tua banga na muisambo aukaka binangu biaye.

Ambula Yesu

3. Shintula mbangil’obe a muisambo. Tuemenanga nka penda pa mutue wa muanda odi mulumbuule bua kubanga nao muisambo. Banga na muanda w’abanangushena kui bantu lelo uno. Eyipushe’shi:

1. ‘Mianda kinyi y’abakamba kuakula ku bisaashi?’

2. ‘Mianda kinyi y’abakamba kuisamba kui bankungishanyi nami, be na mudimo, sunga be na kalasa nami?’

4. Ikala na kabekeleshi. Eyipushe’shi:

1. ‘Uno muntu kuete kukita kinyi? Kuete pangi anangushena ku kinyi?’

2. ‘Mmufuale naminyi, mmuenekielo aye e naminyi, nshibo yaye ayindesha kinyi pabitale kipuilo na bipikua biaye?’

3. ‘Ino nyi nsaa i buwa bua kuisamba na muntu su?’

5. Teemesha.

1. Tokambanga kuakula ngofu.

2. Nyingisha bangi buabadia kuakula. Apalombana kipindi, ela nkonko.