Tulongamisheyi mayele eetu mu mudimo wa bulungudi—Kubanga mwisambo aukakufisha mu kutusha bu kamonyi

Yesu bamwene bya kutusha bu kamonyi kwi mukashi mwina Samariya mu mpukapuka mwanda babangile naye mwisambo. Nkipaso kinyi kyatudi balombene kulongamisha mbabi yetu ya kubanga mwisambo na muntu mwenyi?

• Ikala mu bukuuku na bantu na kwisamba nabo. Sunga byekala shi badi mukookye, Yesu babangile mwisambo penda p’aye kuteka meema. Byabya, we kubanga na kumusema kalolo, akupu we kumwipusha muyile bibabuku dyadya efuku, sunga bwa ungi mwanda ubakitshika. Tentekyesha shi kepatshila kobe nka kubanga penda mwisambo, nyi bwakinyi abitungu obangye mwisambo ausankisha muntu. Su t’asangeela mwisambo, twe mushimishe nkintu su nkimune. We kupima na ungi muntu dingi. Teka Yehowa bwa nkunyingish’eshimba.—Ne 2:4; Bik4:29.

• Ikala mupasukye bwa kumona mushindo wa kubanga mukandu wibuwa, anka twekalanga bukidi bukile. Tadiila mwisambo wifwile ao unabeene. Su otakula muntu pa bukopo, e kupela nkutemeesha sunga kupela kwisamba. Twekalakashanga su mwisambo wayimana kumpala kwa kutusha bu kamonyi. Su wetutuusha bwa kubanga kulungula mukandu wibuwa, ikala otompo kubanga mwisambo kushi na kabingilo ka kutusha bu kamonyi. [Leesha video 1, akupu numwisambile.]

• Pima kukimba mushindo wa kutusha bu kamonyi p’obe kwakula mwanda aukatukila kwishimba pabitale lukumiino loobe, wi kutakula muntu akuteemesha bwashi akwipushe bwa kumupatulwila. Yesu balungwile mukashi mwina Samariya mwanda aukumu kwishimba ubamutakwile bwa kumwela nkonko. P’ababangile kumulungula mukandu wibuwa, badi kwete amwalula ku nkonko yaaye. [Leesha video 2, numwisambile, akupu oleshe video 3, numwisambile.]