Okwete kufubisha karte ka JW.ORG kalolo su?

Bu byatukwete kwifubwila peepi na mpombo ikata, abitungu tulambukishe kushi kunyengakana. (Nki 24:11, 12, 20) Bwa kukwasha bantu, abitungu tufubishe ma karte bwa kukaka binangu byabo ku Eyi dy’Efile Mukulu na ku site eetu. Ku karte kwi kode mulombeene kwibatwala ku video amba shi: Bwakinyi abitungu kulonga Bible? Na mbalo yabalungula muntu bwadya kuteka kulonga kwa Bible ku Internete. Bangi bantu tabakuminaa kwata mikanda, kadi abakumiina kutwela mu site eetu. Tabitungu kwialashena bwa kwibapa karte. Kadi, tabibuwa kuleka karte ku nshibo kushi bantu sunga kwi muntu shekasankila.

Nsaa yoende ku mudimo, we mulombeene kwibwesha lukalo lwa muntu pa kwakula shi: “Ne na kantu kankyebe nkupa. Kano karte akakutwala mu site modi mulombeene kupeta myanda ibungi na ma video aakwila mitwe ya myanda ilekenelekene.” (Yo 4:7) Bu byabidi shi ma karte ngapela, we kulama ndambo yodya kupa bangi bantu apamweka mushindo.