Fubisha epupua dia mbagilo dia JW.ORG mu bulungudi

Epupua dia mbangilo dia mu site eetu, di na miisambo na ma video biabaadi bakite bua kusankisha bantu ba sha mashimba alumbulue. (Bik 13:48) Abiakuilaa miisambo yabakamba kuakula kui bantu sunga y’abanagushena.

Mbikunyi biodia kufubisha epupua dia mbangilo dia jw.org mu bulungudi?

• Ekala otuele mu site pa kiubishi. Lamiina miisambo ipia ibatuku na tala biodia nkeyifubisha bua kukuasha bantu basha mashimba alumbulue. (Bua kupeta ingi miisambo itukie binobino p’epupua dia mbangilo dia site eetu, tuela pa mbalo ifunde’shi “tala bioso.”) Kuuka mianda yoso ipia ayituku mu site eetu, akukukuasha bua kupeta binangu bipia bia kufubisha mu bulungudi.

• Fubisha miisambo na ma video bi p’epupua dia mbangilo bua kubanga muisambo. Ino miisambo na ma video abikupa mushindo wa kuuka bikuete kunangushena bantu mu terituare.

• Lesha bantu epupua dia mbangilo dia site eetu. Shimika kasele pa muisambo kampanda na omuleshe biadia kufubisha site eetu.

• Tumina Bantu lien. Bangi bantu t’abakumiina kuisamba netu, kadi abakumiinaa kutuela mu site eetu. Biabia tokumanga kuikoka bua kutumina bantu abakumiina, lien a epupua dia mbangilo dia site eetu.