Tulongamisheyi mayele eetu mu mudimo wa bulungudi— Kulesha bya kutwela mu JW.ORG

BWAKINYI BI NA MUULO: Mukanda ooso wi mu Kasheete keetu ka bina mudimo bya kulongyesha nabyo aulesha bantu site eetu a jw.org. Byabya, kabingilo ketu kakata ka kupa bantu carte ka jw na trakte a Nkunyi kwatudi balombeene kupeta myalulo ku nkonko ikata ya mu nshalelo? nka kulayila bantu mu site eetu a Internet. We kupa muntu mukanda wa mu Kashete ka bina mudimo byetu pa kufubisha jw.org, kutumina muntu mesaje sunga kumutumina liens. Bino bi na bukwashi ngofu su muntu kwete kwisamba lungi ludimi. Kukatusha byabya, bantu be kwipusha nkonko i na myalulo mu mikanda i mu Kashete keetu ka biina mudimo. Su twi na ngobesha ya kutwela mu site etu a internet, twi kunyinsha kulambukisha kalolo mu bumulungudi.

BYA KWIBIKITA:

• 

  Fubisha kipindji kya “MALONGYESHA A MU BIBLE”. Su byekala shi okwete kulambukisha nambutwile akimbi kuuka bibungi pabitale kukusha kwa bana. Twela mu MALONGYESHA A MU BILBE> EYIBAKISHI NA KIFUKO.

• Fubisha kipindji kya “MIKANDA.” Su byekala shi okwete kulambukisha mu mpukapuka ku kalasa, bokumina kwisamba na mwina kalasa pabitale broshire a Myaluulo ku nkonko 10 yabeyipushaa kwi bansongwa. Twela mu MIKANDA > MIKANDA NA BROSHIRE.

• Fubisha kipindji kya “TWI BANTU KINYI.” Su byekala shi okwete kwisamba na mwina mufubo nobe akumina kubadika mu kikoso pa bitutale. Twela pa TWI BANTU KINYI > NKONKO YABAKAMBAA KWELA.

TALA VIDEO A BYA KULESHA JW.ORG, AKUPU OTALE KOODI MULOMBENE KWENDA BWA KUPETA BUKWASHI MU SITE:

• muntu shakumina mwi Efile Mukulu

• muntu badi mupetekyelwe na myanda ya masaku

• mukwetu mulume sunga mukashi sha tuukaa dingi mbulungudi

• muntu walukiila mu kutala, eyipushaa kipaso akikitshika mudimo wetu

• muntu afiki mu kingi kibundji akumina kutwela mu bisangilo mbalo yadi