NSHALELO A BWINA KIDISHITU
Tentekyesha bwa kutekyela bakwetu beena Kidishitu be mu kubingwabingwa
Bible baadi mupwe kulesha shi, Satana aketubingabinga bwa kwimika mudimo wetu wa bulungudi. (Yo 15:20; Kibaf 12:17) Twi kukwasha bakwetu beena Kidishitu be mu kubingwabingwa mu angi maumbo naminyi? Pa kwibelela nteko. “Luteko lwa muntu mululame alufubaa na bukome bwi bungi.”—Shak 5:16.
Twi kuteka myanda kinyi? Bwashi Yehowa ebape mashimba anyingye na kwibakwasha bwa kupela kutshina. (Yesh 41:10-13) Twi kuteka dingi bwashi ba nfumu ba maumbo bekale abakumina bwashi mudimo wa bulungudi wikale aukitshibwa, “bwashi tushaale mu kufukama na kwiyikela.”—1Tim 2:1, 2.
Nsaa ibaadi Mpoolo na Mpyele abakyengeshibwa, beena Kidishitu ba mu siekele a kumpala, abaadi bebatekyele na kutemuna mashina aabo. (Bik 12:5; Lom 15:30, 31) Sunga shi ta twiuku mashina a bakwetu booso bakwete kukyengeshibwa, twi balombeene kutemune tukongye twabo, maumbo aabo sunga bibundji byabo.