Psalmet

72 O Perëndi, mësoja ligjet e tua mbretit,+

dhe drejtësinë tënde birit të mbretit.+

 2 Ai mbrojttë me drejtësi çështjen e popullit tënd,+

dhe me vendim gjyqësor çështjen e të munduarve!+

 3 Malet dhe kodrat le t’i sjellin popullit paqen+

e siguruar me anë të drejtësisë.

 4 Le t’i gjykojë ai të munduarit e popullit,+

le t’i shpëtojë bijtë e të varfrit

dhe le ta dërrmojë mashtruesin.

 5 Ata do të të frikësohen deri sa të ketë diell+

dhe hënë, brez pas brezi.+

 6 Ai do të zbresë si shiu mbi barin e kositur,+

si shirat e bollshme që lagin tokën.+

 7 Në ditët e tij, i drejti do të lulëzojë,+

dhe paqja do të jetë pa fund derisa të mos ketë më hënë.+

 8 Do të ketë nënshtetas nga deti në det,+

dhe nga Lumi*+ deri në skajet e tokës.+

 9 Para tij do të përkulen banorët e rajoneve pa ujë,+

kurse armiqtë e tij do të lëpijnë pluhurin.+

10 Mbretërit e Tarshishit dhe të ishujve+

do të paguajnë haraç.+

Mbretërit e Shebës dhe të Sebës

do të sjellin një dhuratë.+

11 Para tij do të bien përmbys të gjithë mbretërit.+

Të gjitha kombet do t’i shërbejnë.+

12 Sepse ai do ta çlirojë të varfrin që thërret për ndihmë,+

si dhe të munduarin e këdo që nuk ka kush e ndihmon.+

13 Atij do t’i dhimbset i përvuajturi dhe i varfri,+

dhe do ta shpëtojë shpirtin e të varfërve.+

14 Nga shtypja dhe dhuna, do t’ua shpengojë shpirtin,

dhe gjaku i tyre do të jetë i çmuar në sytë e tij.+

15 Le të jetojë+ e le t’i jepet ca nga ari i Shebës.+

Për të le të bëhen vazhdimisht lutje.

I bekuar të jetë gjithë ditën!+

16 Në tokë do të ketë drithë me bollëk,+

edhe në majat e maleve drithi do të vërshojë.+

Fryti i mbretit do të jetë si në Liban,+

dhe ata që janë nga qyteti, do të lulëzojnë si bimësia e tokës.+

17 Emri i mbretit qoftë në jetë të jetëve!+

Emri i tij le të mbetet sa të jetë dielli,

dhe me anë të mbretit, le të bekohen njerëzit.+

Të gjitha kombet le ta shpallin të lumtur!+

18 Bekuar qoftë Perëndia Jehova, Perëndia i Izraelit!+

Vetëm ai bën vepra të mrekullueshme.+

19 Bekuar qoftë emri i tij i lavdishëm në jetë të jetëve!+

Lavdia e tij le të mbushë mbarë tokën!+

Amin, po, Amin!