Ezekieli

21 Fjala e Jehovait m’u drejtua akoma: 2 «Bir njeriu, ktheje fytyrën nga Jerusalemi, fol+ kundër vendeve të shenjta+ dhe profetizo kundër tokës së Izraelit.+ 3 Thuaji tokës së Izraelit: “Kështu thotë Jehovai: ‘Ja, unë jam kundër teje,+ do të nxjerr shpatën nga milli+ dhe do të shfaros të drejtë e të ligj.+ 4 Do ta nxjerr shpatën nga milli dhe do ta drejtoj kundër çdo mishi, nga jugu në veri,+ që të shfaros të drejtë dhe të ligj. 5 Çdo mish ka për ta marrë vesh që unë, Jehovai, e kam nxjerrë shpatën nga milli+ e s’do ta kthej më atje.’”+

6 Ti, o bir njeriu, psherëti dhe dridhu.*+ Po, psherëti i vrerosur para syve të tyre.+ 7 Nëse ata të thonë: ‘Pse psherëtin?’,+ ti përgjigju: ‘Për shkak të një lajmi.’+ Sepse ai do të vijë+ dhe çdo zemër do të mpaket,+ të gjithë do të shkurajohen,* çdo frymë do të ligështohet dhe gjunjët do të pikojnë.*+ ‘Ja, ai lajm ka për të ardhur+ dhe tamam ashtu do të ndodhë’,—thotë Zotëria Sovran Jehova.»

11 Shpata jepet për t’u lëmuar, që më pas dikush ta vringëllojë në dorë. Kjo shpatë është mprehur dhe lëmuar, që t’i jepet në dorë një vrasësi.+

12 Bërtit dhe ulërit,+ o bir njeriu, sepse ajo është kthyer kundër popullit tim;+ është kthyer kundër tërë prijësve të Izraelit.+ Ata i janë hedhur shpatës bashkë me popullin tim.+ Prandaj bjeri kofshës me shuplakë nga hidhërimi.+ 13 Është bërë një shqyrtim,+ dhe çfarë do të ndodhte nëse shpata do të hidhte poshtë edhe skeptrin?+ Ai nuk do të ishte më”,+—thotë Zotëria Sovran Jehova.

14 Ti, o bir njeriu, profetizo, përplas duart+ dhe përsërit tri herë fjalën ‘shpatë’.+ Ajo është shpata e të vrarëve, shpata që vret të mëdhenjtë e që i rrethon nga çdo anë.+ 15 Ajo është shpata, me të cilën unë do të bëj një masakër, që zemra të mpaket+ e që të shumohen ata që kanë rënë pranë portave të tyre.+ Medet, ajo është lëmuar dhe i është dhënë shkëlqim që të bëjë një masakër!+ 16 Trego se sa e mprehtë+ je, o shpatë! Shko djathtas! Zër pozicion, shko majtas! Shko nga të jetë kthyer tehu yt. 17 Edhe unë do të përplas duart+ dhe do të më fashitet+ tërbimi.+ Unë, Jehovai, kam folur.»

18 Fjala e Jehovait m’u drejtua akoma: 19 «Ti, o bir njeriu, cakto dy rrugë nga ku të hyjë shpata e mbretit të Babilonisë.+ Ato duhet të dalin nga i njëjti vend. Pastaj vër një shenjë që tregon rrugën,+ dhe vëre në krye të rrugës që të çon në qytet. 20 Cakto një rrugë nga ku do të hyjë shpata kundër Rabahut+ të bijve të Amonit, dhe një rrugë tjetër nga ku do të hyjë kundër Judës, kundër Jerusalemit të fortifikuar.+ 21 Mbreti i Babilonisë është ndalur në udhëkryq, në krye të dy rrugëve, që të hedhë fall.+ Ai përzien shigjetat, pyet nëpërmjet idhujve të shtëpisë*+ dhe shikon mëlçinë. 22 Falli në dorën e tij të djathtë tregon se ata duhet të shkojnë drejt Jerusalemit, që të vihen desh për shembjen e mureve,+ të urdhërohet një gjakderdhje, të jepet kushtrimi për luftë,+ të vihen desh kundër portave dhe të ngrihet një ledh e një mur rrethues.+ 23 Për sytë e popullit ai ishte një fall i rremë,+ po, për ata që u janë betuar atyre duke zënë be.+ Por ai e kujton fajin e tyre,+ prandaj do t’i çojë në robëri.+

24 Prandaj, kështu thotë Zotëria Sovran Jehova: ‘Meqenëse bëtë që të kujtohej faji juaj, duke i nxjerrë shkeljet sheshit, dhe kështu në gjithçka që bëtë, shihen mëkatet tuaja, meqenëse ju ka kujtuar,+ do t’ju kapë dora e armikut.’+

25 Por për ty, o i plagosur për vdekje, o prijës+ i lig i Izraelit,+ që të ka ardhur dita e ndëshkimit për fajin e fundit,+ 26 kështu thotë Zotëria Sovran Jehova: ‘Hiqe çallmën, hiqe kurorën.+ Nuk do të jetë më si më parë.+ Atë që është poshtë, ngrije lart+ dhe atë që është lart, ule poshtë.+ 27 Rrënojë! Rrënojë! Unë do ta kthej atë në një rrënojë.+ Ajo nuk do t’i jepet askujt, gjersa të vijë ai që ka të drejtën ligjore,+ dhe atij do t’ia jap.’+

28 Ti, o bir njeriu, profetizo dhe thuaj: ‘Kështu thotë Zotëria Sovran Jehova për bijtë e Amonit dhe për poshtërimin që sillnin ata.’ Pastaj thuaj: ‘Një shpatë, një shpatë është zhveshur për të bërë masakër, është lëmuar që të gllabërojë, që të shkëlqejë,+ 29 sepse ata parashikojnë për ty gjëra të pavërteta dhe hedhin fall për gënjeshtra,+ që të të hedhin mbi qafën e të vrarëve, të njerëzve të ligj që u ka ardhur dita e ndëshkimit për fajin e fundit.+ 30 Ktheje shpatën në mill. Unë do të të gjykoj në vendin ku u krijove, në tokën ku i ke rrënjët.+ 31 Unë do të derdh mbi ty dënimin tim. Me zjarrin e zemërimit tim të furishëm, do të fryj mbi ty+ dhe do të të lë në duart e të paarsyeshmëve, mjeshtërve të rrënimit.+ 32 Ti do të katandisesh për t’u hedhur në zjarr,+ gjaku yt do të rrjedhë në mes të vendit, dhe askush nuk do të të kujtojë më, sepse unë, Jehovai, kam folur.’»+