Psalmet

53 I pamendi thotë me vete:*

«S’ka Jehova.»+

Me padrejtësinë e tij bën të këqija dhe ka sjellje të pështirë.+

S’ka asnjë që të bëjë të mirën.+

 2 Perëndia vështron nga qielli bijtë e njerëzve+

për të parë nëse ka ndonjë me gjykim të thellë, ndonjë që kërkon Jehovain.+

 3 Të gjithë janë kthyer mbrapsht, të gjithë janë të korruptuar.+

S’ka asnjë që të bëjë të mirën,+

as edhe një.

 4 Vallë, nuk ka marrë njohuri+ asnjë nga ata që merren me të këqija,

ata që përpijnë popullin tim si të jenë duke ngrënë bukë?+

As i kanë thirrur Jehovait.+

 5 I kishte pushtuar një tmerr i madh+

atje ku s’kishte tmerr,+

se Perëndia i shpërndan eshtrat e kujtdo që ngre kampin kundër teje.+

Ti do t’i turpërosh, sepse ata i ka hedhur poshtë Jehovai.+

 6 Ah, sikur nga Sioni të vinte shpëtimi i madh i Izraelit!+

Le të gëzojë Jakobi, le të gëzojë Izraeli,+

kur Jehovai të kthejë popullin e tij, që ishte në robëri!+