Mbledhjet e shërbimit për gushtin

Java që fillon më 2 gusht

10 min.: Njoftime lokale dhe njoftime të zgjedhura nga Shërbimi ynë i Mbretërisë.

20 min.: «Të nxjerrim dobi të plotë nga kongresi krahinor i vitit 1993 ‘Mësimi hyjnor’»—Pjesa I. Trajto me auditorin paragrafët nga 1-16. Lajmëtarët duhet të konsiderojnë pika të përshtatshme me studentët e tyre të Biblës që do të marrin pjesë në kongres.

15 min.: Rëndësia e karakterit frymor në familje. Fjalim i njërit prej pleqve. Shpjego rëndësinë e leximit të rregullt të Biblës si familje, duke treguar se mund të bëhet në momente të ndryshme dhe sipas programit familjar. Nxirr në pah nevojën për t’u lutur së bashku si familje të paktën një herë në ditë. Mund të bëhet përpara se të shkohet në shtrat. Të njëjtat parime vlejnë edhe në familjet e ndara, në ato me një prind dhe në ato pa fëmijë. Përgatitja në shkallë familjare është e rëndësishme edhe për të nxjerrë dobi të plotë nga mbledhjet e përjavshme të kongregacionit dhe për të forcuar besimin e të tjerëve.—Hebrenjve 10:23, 25.

Lutja përmbyllëse

Java që fillon më 9 gusht

10 min.: Njoftime lokale. Përvoja të marra gjatë kohëve të fundit, duke prezantuar revistat dhe broshurat. A janë të shumtë lajmëtarët që kanë gjetur interes të mjaftueshëm për të justifikuar ofrimin e një pajtimi? (Duhet të përcaktohet që më parë me ndihmën e vëllait që është caktuar për pajtimet në kongregacion.)

15 min.: «Të përballojmë sfidën e shërbimit shtëpi më shtëpi». Pyetje dhe përgjigje. Lexo dhe zbato shkrimet e treguara.

20 min.: «Të nxjerrim dobi të plotë nga kongresi krahinor i vitit 1993 ‘Mësimi hyjnor’»—Pjesa II. Trajto me auditorin paragrafët nga 17—19 dhe analizo pjesën «Përkujtesë për kongresin krahinor». Përfshi paralajmërime të përshtatshme të bazuara mbi informacionet e Kullës së Rojës së 15 qershorit 1989 (ang.), faqe 10-20, ose inkurajo familjet që të përsërisin përmbajtjen e këtyre artikujve përpara se të shkojnë në kongres.

Lutja përmbyllëse.

Java që fillon më 16 gusht

Meqë këtë javë në Tiranë me gëzim do të ndjekim programin e kongresit krahinor «Mësimi hyjnor», mbledhja e shërbimit nuk do të zhvillohet.

Java që fillon më 23 gusht

10 min.: Njoftime lokale dhe lajme teokratike. Kujto rregullimet për shërbimin e fushës.

10 min.: «Të rinj, drejtoni me shkathtësi hapat tuaja». Trajto materialin me pyetje dhe përgjigje. Pas paragrafit 3, rregullo një demonstrim të shkurtër, ku një i ri lajmëtar i kërkon një të rrituri nëse mund të dalë në shërbim me të. Lajmëtari i rritur e pranon me kënaqësi ftesën dhe sugjeron që t’i provojnë së bashku prezantimet përpara se të dalin në shërbim.

25 min.: Çfarë kemi mësuar nga programi i kongresit krahinor «Mësimi hyjnor». Kjo nuk duhet të jetë vetëm një shqyrtim i thjeshtë i materialit. Gjej pika specifike për t’i zbatuar lokalisht nga pikat kulminante të asamblesë. Nxirr në pah vlerat praktike të asaj që kemi mësuar.

Lutja përmbyllëse.

Java që fillon më 30 gusht

5 min.: Njoftime lokale. Sugjero pika të përshtatshme bisedimi të nxjerra nga libri Njeriu më i madh, për t’i përdorur në shtator.

10 min.: «Të tregojmë çmueshmëri për literaturën». Pyetje dhe përgjigje. Përfshi demonstrimin që vijon: Një lajmëtar kryen veprën me revistat. I zoti i shtëpisë tregon interes për prezantimin biblik dhe përshkrimin e revistave, duke thënë se do t’i lexojë. Atëherë lajmëtari thotë: «Jam i sigurt se do të nxirrni dobi, ashtu siç ka ndodhur edhe me shumë të tjerë. Këto revista shpërndahen në të gjithë botën: Në fakt, Kulla e Rojës është në dispozicion në 112 gjuhë. Vepra jonë mbështetet me anë të kontributeve vullnetare. Pranojmë kontribute të vogla prej atyre që dëshirojnë të përkrahin këtë vepër.»

15 min.: «Të kryejmë me efektshmëri shërbimin tonë jetëshpëtues». Fjalim dhe demonstrime. Pas një hyrjeje të shkurtër, prezanto tri demonstrime të bazuara në paragrafët 2-5. Pas çdo demonstrimi pyet auditorin se si mund t’i përshtatet prezantimi situatave të ndryshme që hasen në territorin lokal. Përfundo duke inkurajuar auditorin që të marrë pjesë plotësisht në fund të kësaj jave.

15 min.: «Si mund të përgjigjemi?» Trajto artikullin me pyetje dhe përgjigje. Përfshi një demonstrim të shkurtër, ku i zoti i shtëpisë thotë: «Unë jam mysliman». Për t’u përgjigjur përdor pikat kyçe të artikullit.

Lutja përmbyllëse.